Leviticus 8:7 - Manobo Western Bukidnon OT

⁷ Ne impesul-ub din ki Aaron is bisti te lavew he memumuhat: is pendizalem he visti, is bakes, is pendivavew he visti, wey is ipud he mibpikitan te vakes he mibpurpurungan is kedhevela zuen.

Leviticus 8:7 ပူးပေါင်းရင်းမြစ်များ

Exodus 28:2

Peveeli nu is suled nu he si Aaron te menge visti he segradu he ebpekeveǥey kandin te zengeg.

Exodus 28:4

Ne iyan heini menge visti he ebeelan para kandin: is teleǥuey ziyà te kumeng, ipud, pendivavew he visti, pendizalem he visti he binurdahan, tengkulu, wey vagkes. Kinahanglan he ebaal zan te menge visti he para ki Aaron wey para te menge anak din he maama, su para mekepenilbi sikandan kedì pinaaǥi te kebpemuhat.

Exodus 28:6

“Is ipud, kinahanglan he iyan ebeelan is linu he utew meupiya, wey tanur he vulawan wey welin he tanur he meitem is kavuavu zin, merudtem wey kanggan. Kinahanglan he meupiya is kegkeburdahi kayi.

Exodus 29:5

Ne vistiyi nu si Aaron te menge visti te memumuhat he iyan sikan is; bisti he kemisidintru wey sikan is ipud he iyan kes ispisyal he visti te memumuhat, sikan is teleǥuey ziyà te kumeng, wey sikan is meupiya is kegkeveeli zin he vakes duen te ipud.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Ezekiel 42:14

Emun egawas en is menge memumuhat puun kayi te segradu he menge ruǥu, kinahanglan he kenè dan dèpa mediritsu megawas pehendiyà te ǥawas te lama. Kinahanglan he edluwasen dan dèpa is menge visti he imbivisti zan dutun te kebpemuhat dan, su segradu heini he menge visti. Kinahanglan he ed-ilis dèpa sikandan te selakew en he visti te kenè pa sikandan edhendiyà te vahin duen te simbahan he para te menge etew.”

1 Samuel 2:28

Is langun he tribu te Israel, iyan ku mibpilì is pemilya zin he edhimuwen ku he menge memumuhat he ebpenilbi ziyà te pemuhatà, edtutung te veyewà, wey igkukumbalè dan is ipud diyà te etuvangan ku. Imbeǥey ku zaan is bahin duen te menge pemuhat pinaaǥi te hapuy he ibpemuhat te menge Israilihanen.