Leviticus 8:4 - Manobo Western Bukidnon OT

⁴ Midtuman ni Moises is insuǥù kandin te Nengazen, ne midtiǥum is menge Israilihanen diyà te ǥemawan duen te Tulda he Edtelevukaayan.

Leviticus 8:4 ပူးပေါင်းရင်းမြစ်များ

Exodus 39:1

Midtahì ensi Bezalel te segradu he menge visti he para te menge memumuhat sumalà te insuǥù te Nengazen ki Moises. Is manggad he migamit dan welin he meitem is kaavuavu zin, merudtem wey kanggan. Iyan daan heini klasi te manggad he migamit dan hein mibeelan dan te visti si Aaron.

Exodus 39:21

Ne impedhiketè dan pinaaǥi te meitem is kaavuavu zin he hiket sikan is dapit te zizalem he iring te sising duen te apid te kumeng he teleǥuey wey sikan is mibpen-iring te sising duen te ipud. Pinaaǥi kayi ebpekepurung ebpekepikit sikan is apid te kumeng he teleǥuey zuen te ipud. Mibeelan dan heini is langun sumalà te insuǥù te Nengazen ki Moises.

Exodus 39:29

Is menge vakes, linu zaan he miburdahan te welin he meitem is kaavuavu zin, merudtem wey kanggan. Ne utew heini mibpurungi te eburda. Midhimu zan heini is langun sumalà te insuǥù te Nengazen ki Moises.

Exodus 39:5

Is bakes kayi, linu zaan he miburdahan te vulawan he tanur wey welin he meitem is kaavuavu zin, merudtem, wey kanggan. Mibeelan dan heini sumalà te insuǥù te Nengazen ki Moises.

Exodus 39:7

Ne impikit dan haazà duen te menge tedted diyà te pemenayen duen te ipud su tedeman haazà he menge vatu para te menge tribu te Israel. Mibeelan dan heini is langun sumalà te insuǥù te Nengazen ki Moises.

Leviticus 8:13

Ne miduma zin diyà te teliwazà is menge anak ni Aaron he menge maama, ne mibistiyan din sikandan te visti he para te memumuhat wey mibekesan heini. Midsul-uvan daan sikandan te menge kalù. Mibeelan heini ni Moises sumalà te insuǥù kandin te Nengazen.

Leviticus 8:17

Is nengesamà he vahin duen te vaka iring te sapù, lundis, wey menge vituka, midtutung din diyà te ǥawas te kampu. Mibeelan heini ni Moises sumalà is insuǥù kandin te Nengazen.

Leviticus 8:29

Migkuwa zaan ni Moises is kumeng duen te kerehidu, ne imbayew zin diyà te Nengazen su pemuhat heini he ibayew. Iyan heini ki Moises he vahin duen te kerehidu he pemuhat he para te kedhimuwa te memumuhat he memumuhat. Ne mibeelan ni Moises heini is langun sumalà te insuǥù kandin te Nengazen.

Leviticus 8:35

Kinahanglan he kenè kew med-awà kayi te maandew wey mezukilem seled te pitu he andew, ne veeli niw is ebpeveelan te Nengazen su wey kew kenà mebpatey, su iyan heini migkaǥi te Nengazen kayi te kedì he ibpeveelan keniyu.”

Leviticus 8:5

Ne migkeǥiyan sikandan ni Moises he heini is ebeelan din, insuǥù kandin te Nengazen.

Leviticus 8:9

Ne impesuup din diyà te ulu ni Aaron is tengkulu, ne impikit din diyà te sineruwan dutun te tengkulu is bulawan he simbulu he mibpilì si Aaron he para te Nengazen. Mibeelan ni Moises heini is langun sumalà te insuǥù kandin te Nengazen.

Deuteronomio 12:32

“Tumana niw is langun he insuǥù ku keniyu. Kenè niw heini umani wey kenè niw terini.