Leviticus 8:30 - Manobo Western Bukidnon OT

³⁰ Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te Nengazen.

Leviticus 8:30 ပူးပေါင်းရင်းမြစ်များ

Exodus 28:2

Peveeli nu is suled nu he si Aaron te menge visti he segradu he ebpekeveǥey kandin te zengeg.

Exodus 29:21

Ne kuwa ka te lengesa he zutun te pemuhatà, ne isahug nu heini te lana he para idlana ne ipirik nu haazà diyà te ki Aaron wey ziyà te menge visti zin, ipirik nu zaan duen te menge anak din, wey ziyà te menge visti zan. Dutun, si Aaron wey sikan is menge anak din he maama wey is menge visti zan, igkepehinungud en kayi te kediey.

Exodus 30:30

“Ne lenahi niw zutun te lana si Aaron wey sikan is menge anak din he maama he tuus te ibpeveyveyaan niw sikandan kediey su wey zan mekepenilbi kedì pinaaǥi te kebpemuhat.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Leviticus 7:35

Iyan haazà bahin te menge pemuhat pinaaǥi te hapuy he para te Nengazen, he ibahin diyà te ki Aaron wey te menge kevuwazan din dutun te andew te kebpehinunguza kandan, su wey zan mekepenilbi te Nengazen pinaaǥi te kegkememumuhat dan.

Leviticus 7:36

Dutun he andew te kedhimuwa te menge memumuhat he menge memumuhat, midsuǥù te Nengazen is menge Israilihanen he iveǥey zan haazà he vahin he para te menge memumuhat, para kandan haazà taman te taman, ne tumana zan heini wey te peleebuten he kevuwazan dan.

Leviticus 8:12

Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Numero 3:3

Mibpilì wey mid-urdinahan sikandan wey zan mekepenilbi pinaaǥi te kegkememumuhat.