Leviticus 8:11 - Manobo Western Bukidnon OT

¹¹ Kepipitu zin piriki te lana sikan is pemuhatà wey is langun he ǥelemiten dutun te pemuhatà, ne iring din ded daan is bisin wey is selevukà kayi. Mibeelan din heini su inhalad din heini he menge azen diyà te Nengazen.

Leviticus 8:11 ပူးပေါင်းရင်းမြစ်များ

Exodus 16:14

Ne hein nemezahan en haazà is dehemug, duen neehè dan diyà te sibsivayan he memenipis he utew meputì.

Exodus 16:19

Ne migkeǥiyan sikandan ni Moises te, “Kinahanglan he wazà medteǥana kayi para te sunud he andew.”

Exodus 29:36

Kada andew zutun, kinahanglan he pemuhat ka te turiti he vaka he pemuhat he para idlumpiyu, su wey melumpiyuwi sikan is pemuhatà. Ne lenahi nu haazà is pemuhatà su wey ikepehinungud heini.

Exodus 29:37

Ul-ulaha nu heini kada andew zutun te pitu he andew. Ne egkepurung egkehimu he segradu haazà is pemuhatà, ne ereg he idsivey para te Nengazen is ebpekezegkit dutun.

Exodus 30:29

Ipehinungud nu kediey heini is langun, ne zutun, egkepurung egkehimu he segradu heini is langun ne tenged dutun, ereg he idsivey para te Nengazen is ebpekezegkit duen.

Exodus 4:17

Iyan, uwita nu heeyan is tuked he egewezan nu su pinaaǥi keniyan ebpekehimu ka te menge singyal.”

Exodus 4:6

Ne mid-uman megkaǥi is Nengazen te, “Isuksuk nu is belad nu ziyà te kumbalè nu.” Midtuman haazà ni Moises, ne hein in-awè din en is belad din, ne utew heini mibmeputì tenged te midletunan heini te melimezang he zaru te lundis.

Isaias 52:15

Minsan is menge meǥinged diyà te menge nasyun ne egkeinuinu zaan kandin. Kenà ebpekekaǥi is menge hadì mehitenged kandin, su egkeehè dan man is wazà keǥiya kandan, wey egkesavut dan is wazè pa keenu metudtul.”

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Leviticus 14:16

ne idtiyuk din is tezù te kewanan he velad din kayi te lana ne ibpirik din heini te kepipitu ziyà te etuvangan te Nengazen.

Leviticus 4:17

Itiyuk din is tezù din duen te lengesa, ne ipirik din heini te kepipitu ziyà te kurtina he ingkurtina zuen te Utew Segradu he Lugar, he zutun is Nengazen.

Leviticus 4:6

Idtiyuk din is tezù din dutun te lengesa, ne is duma zutun ibpirik din te kepipitu ziyà te egkesineruwan duen te kurtina he ingkurtina te Utew Segradu he Lugar he ziyà te etuvangan te Nengazen.