Leviticus 7:34 - Manobo Western Bukidnon OT

³⁴ Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Leviticus 7:34 ပူးပေါင်းရင်းမြစ်များ

Exodus 29:26

Ne kuwaa nu is kumeng duen te kerehidu ne ivayew nu haazà kayi te etuvangan ku su pemuhat haazà kayi te kediey he ibayew. Iyan heini kenikew he vahin duen te kerehidu he pemuhat he para te kedhimuwa ki Aaron he memumuhat wey te menge anak din.

Exodus 29:9

tengkulu, wey vakes. Egkehimu sikandan he memumuhat taman te taman. Iyan heini paaǥi te kedhimuwa nu ki Aaron he memumuhat wey sikan is menge anak din.

Leviticus 3:17

Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà.

Numero 5:9

Is langun he segradu he menge gasa he ed-uwiten te menge Israilihanen diyà te memumuhat, gaked en te memumuhat.

Numero 6:20

Ne egkuwaan duen te memumuhat haazà ne ibayew zin diyà te etuvangan te Nengazen su pemuhat haazà he ibayew. Segradu heini he vahin te pemuhat, ne ǥaked en heini te memumuhat, ragkes is kumeng wey vuvun duen te kerehidu he imbayew zaan diyà te Nengazen. Ne kegkepasad kayi egkehimu en he ed-inum te vinu haazà is Nazareo.

Numero 8:11

Si Aaron is ebpehinungud kandan diyà te etuvangan ku he ispisyal he halad puun te menge Israilihanen, su wey zan mekepenilbi kedì.

Deuteronomio 18:3

“Iyan heini vahin te menge memumuhat he ebpuun te menge vaka etawa menge kerehidu he ibpemuhat te menge etew: is pemenayen, is bakà, wey is getek.