Leviticus 7:32 - Manobo Western Bukidnon OT

^32-33 Is kewanan he vuvun duen te uyaǥen ne ibeǥey ziyà te memumuhat he nemuhat te lengesa wey tavà kayi.

Leviticus 7:32 ပူးပေါင်းရင်းမြစ်များ

Exodus 29:27

“Ipehinungud nu kayi te kedì is menge vahin duen te kerehidu he pemuhat para te kedhimuwa ki Aaron he memumuhat wey te menge anak din, ragkes en kayi is kumeng wey buvun he imbayew kayi te kedì.

Leviticus 10:14

“Is imbayew he kumeng wey vuvun te uyaǥen he impemuhat diyà te Nengazen he egkehimu he ǥaked te menge memumuhat, ne keena nu zuma te tivuuk he pemilya nu. Keena niw heini ziyà te minsan hendei he lugar he ed-isipen tew he lumpiyu. Imbeǥey heini keniyu he vahin niw puun te menge pemuhat te menge Israilihanen he para te meupiya he kebpekidepità.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Leviticus 9:21

Sumalà te insuǥù ni Moises, imbayew ni Aaron is menge kumeng wey is kewanan he menge vuvun duen te menge uyaǥen su pemuhat haazà he ibayew.

Numero 5:9

Is langun he segradu he menge gasa he ed-uwiten te menge Israilihanen diyà te memumuhat, gaked en te memumuhat.

Numero 6:20

Ne egkuwaan duen te memumuhat haazà ne ibayew zin diyà te etuvangan te Nengazen su pemuhat haazà he ibayew. Segradu heini he vahin te pemuhat, ne ǥaked en heini te memumuhat, ragkes is kumeng wey vuvun duen te kerehidu he imbayew zaan diyà te Nengazen. Ne kegkepasad kayi egkehimu en he ed-inum te vinu haazà is Nazareo.

Deuteronomio 18:3

“Iyan heini vahin te menge memumuhat he ebpuun te menge vaka etawa menge kerehidu he ibpemuhat te menge etew: is pemenayen, is bakà, wey is getek.

1 Samuel 9:24

Ne zutun migkuwa zutun te peresuba kes buvun ne insavuk din dutun te etuvangan ni Saul. Migkeǥiyan ni Samuel si Saul te, “Sigi, kaan ke en, su impesivey ku heini para kenikew kayi he kevurunan, duma te menge etew he mibpen-imbitar ku.” Dutun migkaan si Saul duma ki Samuel te haazà he andew.