Leviticus 7:31 - Manobo Western Bukidnon OT

³¹ Edtutungen duen te memumuhat sikan is tavà diyà te pemuhatà, piru sikan is kumeng, ne ǥaked en ni Aaron wey te menge kevuwazan din he menge memumuhat.

Leviticus 7:31 ပူးပေါင်းရင်းမြစ်များ

Exodus 29:26

Ne kuwaa nu is kumeng duen te kerehidu ne ivayew nu haazà kayi te etuvangan ku su pemuhat haazà kayi te kediey he ibayew. Iyan heini kenikew he vahin duen te kerehidu he pemuhat he para te kedhimuwa ki Aaron he memumuhat wey te menge anak din.

Leviticus 3:11

Edtutungen heini is langun te memumuhat diyà te pemuhatà he pemuhat he keenen. Pemuhat heini pinaaǥi te hapuy para te Nengazen.

Leviticus 3:16

Heini is langun, edtutungen te memumuhat diyà te pemuhatà he pemuhat he keenen. Is kehemut kayi he pemuhat te pinaaǥi te hapuy ne ebpekepenunuat te Nengazen. Is langun he tavà diyà te seled kayi, ne ǥaked te Nengazen.

Leviticus 3:5

Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 5:13

Pinaaǥi te kebeeli kayi te memumuhat egkevelukasan is etew te minsan hendei zutun he menge salà he neveelan din, ne ebpeseyluwen sikandin te Nengazen. Is egkesamà dutun te pemuhat he herina gaked en te memumuhat, iring te ebeelan duen te pemuhat he para gasa.

Leviticus 6:16

Is egkesamà he herina, ne edhilutuen ne egkeenen ni Aaron wey te menge memumuhat he menge kevuwazan din. Piru hilutua zan heini he wazè din tapey, ne keena zan diyà te lama te Tulda he Edtelevukaayan, he segradu he lugar. Imbeǥey heini kandan te Nengazen he kandan he vahin duen te menge pemuhat he pinaaǥi te hapuy. Is pemuhat he para gasa utew heini segradu iring te pemuhat he para idlumpiyu wey te pemuhat he vayad te salà.

Leviticus 6:26

Is memumuhat he ebpemuhat kayi, kinahanglan he megkaan kayi ziyà te lama te Tulda he Edtelevukaayan, kes segradu he lugar.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Leviticus 8:29

Migkuwa zaan ni Moises is kumeng duen te kerehidu, ne imbayew zin diyà te Nengazen su pemuhat heini he ibayew. Iyan heini ki Moises he vahin duen te kerehidu he pemuhat he para te kedhimuwa te memumuhat he memumuhat. Ne mibeelan ni Moises heini is langun sumalà te insuǥù kandin te Nengazen.

Numero 18:11

Is duma he pemuhat te menge Israilihanen he ibayew ziyà te pemuhatà, ne para zaan keniyu. Imbeǥey ku heini kenikew wey te menge kevuwazan nu he keniyu he vahin taman te taman. Ebpekekaan kayi is minsan hentei ziyà te pemilya nu he ed-isipen he lumpiyu.

Numero 18:18

Keniyu is usa kayi, iring te kumeng wey kewanan he vuvun te pemuhat he ibayew he keniyu zaan.

Deuteronomio 18:3

“Iyan heini vahin te menge memumuhat he ebpuun te menge vaka etawa menge kerehidu he ibpemuhat te menge etew: is pemenayen, is bakà, wey is getek.