Leviticus 7:18 - Manobo Western Bukidnon OT

¹⁸ Emun duen egkaan duen te usa zutun te iketelu he andew, ne haazà he pemuhat kenà edewaten te Nengazen ne wazà pulus te kebpemuhata zuen. Ed-isipen heini he utew mezaat ne zuen televaken te minsan hentei he egkaan kayi.

Leviticus 7:18 ပူးပေါင်းရင်းမြစ်များ

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Isaias 65:4

Emun mezukilem ebpinuu sikandan diyà te menge leveng wey ziyà te meeles he menge lugar su ebpekidlalag dan te ǥimukud te menge minatey en. Egkaan pa sikandan te usa he vavuy wey te zuma pa he keenen he indawey kandan.

Isaias 66:3

Piru iyan heini paaǥi te kedseǥipaa ku te menge etew he iyan ebpezumdumahan dan is keugelingen dan dà he suat, ne igkelipey zan is utew mezaat he menge vaal zan: Emun edlapà sikandan te vaka he ibpemuhat dan, ne ibpeiring ku haazà te kedhimatey te etew. Emun ebpemuhat sikandan te kerehidu, ibpeiring ku haazà te midhimatey zan te asu. Emun ebpemuhat sikandan te pemuhat he para gasa, ibpeiring ku haazà te mibpelengesa zan te lengesa te vavuy. Ne emun edtutung sikandan te veyewà su edtentenuzan e zan, ibpeiring ku haazà te mibpenubtuvazan dan is duma he menge ed-ezapen.

Jeremias 14:10

Iyan heini tavak te Nengazen te menge etew: “Ingkelipey niw is kebpekeziyu kediey; mid-ulaula niw is minsan hengkey he egkesuatan niw. Umbe kenè ku en sikiyu egkilelaan he menge etew ku. Edtentenuzan ku is kelelalung niw ne edsilutan ku sikiyu tenged te menge salè niw.”

Jeremias 14:12

Minsan mebpuasa pa sikandan, ne kenè ku ebpemineǥen is kebuyù dan te tavang kayi te kediey. Minsan mebpemuhat pa sikandan te menge pemuhat he edtutungen wey pemuhat he para gasa, ne kenè ku heini edewaten. Kekenà, ebpenhimetayan ku sikandan pinaaǥi te tebek, bitil, wey menge vangkit.”

Ezekiel 18:20

Iyan dà ebpatey tenged te rimeǥas te salà is nekesalà. Is anak kenà ereg he edsilutan tenged te salà te amey zin, iring din daan is amey su kenà ereg he edsilutan tenged te salà te anak din. Is keupiyaanan tenged te ketazeng egkeraǥun te metazeng, is silut tenged te kelelalung egkeraǥun te lalung.

Hoseas 8:13

Nemuhat sikandan kayi te kedì ne migkaan dan is usa te uyaǥen he ibpemuhat dan, piru wazè ku sikandan ikelipey. Ne ǥuntaan ed-isipen ku is kelelalung dan; edsilutan ku sikandin tenged te menge salè dan. Ne edlikù sikandan diyà te Ehipto.

Leviticus 10:17

Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te Nengazen keniyu su wey mevelukasi is menge etew puun te menge salè dan diyà te etuvangan te Nengazen.

Leviticus 10:19

Midtavak ni Aaron si Moises te, “Wazè pa meuǥet nemuhat is menge anak ku te pemuhat he para idlumpiyu kandan wey pemuhat he edtutungen, piru minatey sikandan is dezuwa. Ne tenged keniyan he hitavù igkelipey ve vuwa te Nengazen emun migkaan ku is usa zuen te pemuhat he para idlumpiyu te heini he andew?”

Leviticus 11:41

Kenè niw keena is minsan hengkey he keranapranap he ebpenanap su meremerik heini: is minsan hengkey he edula etawa ebpenanap he heepat is paa etawa mahabet is menge paa.

Leviticus 17:16

Emun kenè din ebpìpian is bisti zin wey kenà ebpemeziǥù, ne zuen din televaken.

Leviticus 19:5

Emun ebpemuhat kew te pemuhat para mehimu he meupiya is kebpekidepitè niw kedì, ipemuhat niw heini te paaǥi he egkezawat ku heini para keniyu.

Leviticus 20:17

Emun is maama ebpengesawa wey ebpekidhilavet te etevey zin, minsan ke suled din dà heini ziyà te amey etawa iney, mibpeel-elezan din haazà is suled din ne zuen din televaken. Ne ǥeina te mekeeled-eled haazà is mibeelan dan te zezuwa, ne kenè niw en sikandan isipa he zuma niw.

Leviticus 20:19

Emun is maama ebpekidhilavet te ayè din, mibpeel-elezan din haazà is ayè din. Ne sikandan is dezuwa ne zuen dan televaken dutun te mibeelan dan.

Leviticus 22:16

su wey kew kenà mekesalà dutun te kegkeena niw kayi ne wazè niw televaken. Iyan a is Nengazen midsivey keniyu su wey kew mehimu he kedì.

Leviticus 22:23

Egkehimu he ibpemuhat niw he pemuhat he keugelingen he suat is baka etawa kerehidu he kenà hustu is kegkeveeli te sevaha he vahin te lawa zin, piru kenà heini egkehimu he ibpemuhat he pemuhat he kedtuman te penaad.

Leviticus 22:25

Ne kenè kew zaan mebpemasa te iring keniyan he kelasi te uyaǥen diyà te menge lumelengyawà te ibpemuhat niw kayi te kedì, su kenè ku heeyan edewaten.

Leviticus 5:17

Emun nekerapas te suǥù te Nengazen is sevaha he etew he wazè din metueni, nekesalà sikandin, ne zuen din televaken diyà te Nengazen.

Leviticus 7:19

Emun ebpekezegkit is usa ziyà te minsan hengkey he mid-isip he meremerik, ne kenè ne heini ereg he egkeenen, ne edtutungen en heini. Is minsan hentei he ed-isipen he lumpiyu, egkehimu he egkaan kayi.

Amos 5:22

Umbe, minsan uwiti e pa keniyu te nekedseselekawà he menge pemuhat, minsan iyan pa is kineupiyahan he pemuhat, kenè ku heeyan edewaten.

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

Malakias 1:13

Ke sikiyu te neperahan kew he ebaal te ebpeveelan ku keniyu; iyan heini migkaǥi te Nengazen he Mekeǥeǥehem. Ne mid-uwit kew te nesazir, piang, etawa zuen din daru he menge uyaǥen he ibpemuhat niw kayi te kedì, ne kenè ku heeyan edewaten puun diyà te keniyu. Iyan heini migkaǥi te Nengazen.

Numero 18:27

Ne ed-isipen ku heini he halad niw he ebpuun te menge sebpet, he iring te midhalad kew te trigu he ebpuun diyà te ǥunasà etawa vinu he ebpuun diyà te keresà te paras.