Leviticus 7:16 - Manobo Western Bukidnon OT

¹⁶ Emun is pemuhat din para te meupiya he kedepità he ibpemuhat din he para te kedtuman te penaad etawa pemuhat he keugelingen din he suat, is usa kayi egkeenen dutun dà he andew te kebpemuhata zuen. Iyan, emun duen pa egkesamà he usa, egkehimu heini he egkeenen dutun te sunud he andew.

Leviticus 7:16 ပူးပေါင်းရင်းမြစ်များ

Salmo 116:14

Edtumanen ku is menge saad ku he nepirmahan te langun he menge etew zin.

Salmo 116:18

Edtumanen ku is menge saad ku ziyà te kenikew he nepirmahan te langun he menge etew nu

Salmo 66:13

Ebpemuhat a ziyà te valey nu te menge pemuhat he edtutungen. Edtumanen ku is menge penangdù ku ziyà te kenikew,

Exodus 35:29

Is langun he menge Israilihanen, maama wey vahi he egkesuat he ebeǥey, mid-uwit dan te idhalad dan diyà te Nengazen he ebpuun te keputian te atey zan is kebeǥaya zan duen; ne para haazà te langun he ebpeveelan te Nengazen kandan he impekaǥi zin ki Moises.

Erubasa 7:14

“Midtuman ku ǥeina is penangdù ku ziyà te Nengazen he ebpemuhat a, umbe zuen usa ziyà te valey.

Ezekiel 46:12

Emun ebpemuhat is pengulu te pemuhat he edtutungen etawa pemuhat he para te meupiya he kedepità he keugelingen he suat is kebpemuhata zuen, ebpuwasan para kandin is beyeey he ebpekesinaru ziyà te edsilaan, ne ebpemuhat sikandin te menge pemuhat he iring te kebpemuhat din emun Andew te Kedhimeley. Ne emun ebpekeǥawas en sikandin edlekevan en haazà is pultahan.

Leviticus 22:23

Egkehimu he ibpemuhat niw he pemuhat he keugelingen he suat is baka etawa kerehidu he kenà hustu is kegkeveeli te sevaha he vahin te lawa zin, piru kenà heini egkehimu he ibpemuhat he pemuhat he kedtuman te penaad.

Leviticus 22:29

Emun ebpemuhaten a keniyu te pemuhat he para kebpeselamat kedì, sunuza niw is hustu he paaǥi te kebpemuhata kayi su para zewata ku heini.

Leviticus 23:38

Silibraha niw heini is ispisyal he menge timpu he ebpekeuman te Andew te Kedhimeley he ebeelan niw kada simana. Wey ipemuhat niw heini he menge pemuhat he ebpekeuman te menge gasa niw, menge pemuhat he para te kedtuman te menge penaad niw, wey menge pemuhat he kineugelingen he suat he ibpemuhat niw ziyà te Nengazen.

Nahum 1:15

Tengtengi niw is menge tig-Juda! Duen menge menunudtulà he ed-abley ziyà te menge vuvungan su edtudtulan kew zan te meupiya he tudtul he zuen en kelinew ziyà te lugar niw. Umbe silibraha niw en is menge pista niw ne tumana niw is menge penaad niw ziyà te Nengazen. Su is lalung he menge etew ziyà te nasyun he Asiria kenè en maan ebpekesurung keniyu, su ebpurungan ku sikandan edezeeti.

Numero 15:3

ne pemuhat kew te para kediey te menge ibpemuhat he ebpuun te menge uyaǥen niw. Pemuhat kew te menge pemuhat he edtutungen, menge pemuhat para te kedtuman te menge penaad, menge pemuhat he kineugelingen he suat, etawa menge pemuhat para te kedsilibra te menge pista. Is kehemut kayi te menge pemuhat he pinaaǥi te hapuy ne ebpekepenunuat kedì.

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:17

Iyan heini kinahanglan he kenè niw egkeenen diyà te keugelingen niw he ubpeey: is ikepulù te paras niw, binu niw, lana niw, kinekekayan te menge uyaǥen niw, is minsan hengkey he idsaad niw he idhalad, is kineugelingen he menge halad, wey is ispisyal he menge gasa.

Deuteronomio 12:26

“Uwita niw ziyà te lugar he ebpilien te Nengazen is segradu he menge pemuhat wey is halad he insaad niw ziyà te kandin.

Deuteronomio 12:6

Dutun niw uwita is menge ibpemuhat niw he edtutungen wey is duma pa he menge pemuhat, is ikepulù niw, is ispisyal he menge gasa niw, is insaad niw he idhalad, is kineugelingen he menge halad, wey is kinekekayan te menge uyaǥen niw.