Leviticus 6:4 - Manobo Western Bukidnon OT

⁴ Emun egketuenan he tutuu he nekesalà sikandin, kinahanglan he id-ulì din is tinakew zin, etawa nekuwa zin pinaaǥi te limbung, etawa menge azen he intaǥak etawa mibpetipiǥan kandin, etawa menge azen he netazin he neehè din,

Leviticus 6:4 ပူးပေါင်းရင်းမြစ်များ

Genesis 21:25

Piru zuen riklamu ni Abraham diyà te ki Abimelec mehitenged te kalut he mid-aǥew te menge sakup din.

Nehemias 5:11

Guntaan mismu iulì niw is menge vevesukè, menge pemuleey te paras, menge pemuleey te ulibu, wey menge valey te nekeutang diyà te keniyu. Iulì niw is tuvù te mibpesembayan niw he selapì, trigu, binu, wey lana.”

Job 20:19

Su midaagdaag din is menge pubri wey mibey-anan din is ebpemenlised. Mid-angken din is menge valey he kenà kandin.

Job 24:2

Ebpenakew te tanà is lalung he menge etew pinaaǥi te kedhelina zan te simintu. Ebpenakew zan te menge uyaǥen ne idtampu zan heini ziyà te kandan he menge uyaǥen.

Ezekiel 18:12

Edèdaaǥen din is menge pubri wey is menge egkaayuayu. Tekawen sikandin, wey kenè din id-ulì is insandà te menge nekeutang diyà te kandin. Ed-azap sikandin te zuma he menge ed-ezapen, wey ebaal te utew mezaat he menge vaal.

Ezekiel 18:18

Piru is amey zin, ebpatey mulà tenged te salè din su nenlimbung sikandin, nenakew wey mibaal te mezaat diyà te menge zuma zin he meǥinged.

Ezekiel 18:7

Wazà sikandin mebpendaagdaag, wey in-ulì din is insandà te mid-utang diyà te kandin. Wazà sikandin mebpenakew, kekenà, impekaan din is egkengevitil wey mibeǥayan din te visti is menge wazà bisti.

Ezekiel 33:15

penenglitan, in-ulì din is insandà diyà te kandin etawa tinakew zin, wey midtuman din is menge sulunuzen he ebpekeveǥey te untung te wazà mebaal te mezaat, ne heeyan he etew siguradu he egkeuyag, ne kenà sikandin ebpatey.

Ezekiel 44:19

Emun egawas sikandan diyà te ǥawas he lama he zutun is menge etew, kinahanglan he edluwasen dan dèpa is menge visti he migamit dan dutun te kebpenilbi zan ne idsavuk dan diyà te segradu he menge ruǥu, ne mebivisti zà sikandan te urdinaryu. Pinaaǥi kayi kenà ebpekezezaat te menge etew is kegkesegradu zuen te menge visti zan.

Leviticus 24:18

Is etew he ebpekepatey te uyaǥen te zuma kinahanglan he ed-ilisan din haazà. Uuyag daan is iliwan din su uuyag man sikan is midhimetayan din.

Leviticus 24:21

Is minsan hentei he ebpekepatey te uyaǥen kinahanglan he ed-ilisan din heini, piru is ebpekepatey te etew ne kinahanglan he edhimetayan daan.

Amos 3:10

Su iyan heini kes migkaǥi te Nengazen he MEGBEVAYÀ he ebpekesuǥat te Samaria: “Kenè dan metau he edtinazeng, ne is melig-en he menge vahin te inged dan, nepenù te menge azen he tinakew wey tinavan. Umbe edsurungen sikandan te menge kuntada zan ne ebpemengkaǥen is menge pengalang dan. Egkuwaan te menge kuntada is menge azen diyà te melig-en he menge vahin te inged dan.”

Micas 2:2

Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.

Zefanias 1:9

Edsilutan ku zaan keniyan he andew is langun he midtampu te menge tulumanen te menge etew he wazà mekekilala kedì wey is menge mibpesipala wey nenlimbung su wey zan mepenù te menge azen is baley te egalen dan.”

Malakias 1:13

Ke sikiyu te neperahan kew he ebaal te ebpeveelan ku keniyu; iyan heini migkaǥi te Nengazen he Mekeǥeǥehem. Ne mid-uwit kew te nesazir, piang, etawa zuen din daru he menge uyaǥen he ibpemuhat niw kayi te kedì, ne kenè ku heeyan edewaten puun diyà te keniyu. Iyan heini migkaǥi te Nengazen.

Numero 5:7

Kinahanglan he idtug-an din is salà he neveelan din, ne veyazi zin te hustu he vayad is azen he migkuwa zin etawa midezeetan din, ne haazà is hustu he vayad din ne umani zin pa te 20 pursintu is bali zutun. Iveǥey zin heini is langun diyà te etew he neselaan din.