Leviticus 6:3 - Manobo Western Bukidnon OT

³ etawa midtarùtarù mehitenged te vutang he netazin he migkaǥi zin he wazè din maahà, etawa nengulivet te tarù he wazè din meveeli is minsan hendei kayi he menge salà.

Leviticus 6:3 ပူးပေါင်းရင်းမြစ်များ

Exodus 23:4

“Emun egkeehè niw is baka etawa asnu te kuntada niw he nekaawà, kuwaa niw ne ihated niw ziyà te kandin.

Exodus 28:42

“Peveeli niw zaan sikandan te pendizalem he visti he ebpeketambun te pid-etawan dan. Is keluǥayad kayi, ne puun te hawak taman te vuel, su wey zan kenà mevikangi.

Erubasa 24:28

Kenè ka penistiǥus he kaatbang te idsumbung he siringan nu emun kenè ka zait he ebpenistiǥus dutun he kasu.

Erubasa 30:9

Su emun utew zekelà is ketiǥeyunan ku kela ke iyan ku haazà meseriǥi ne iyan ku sikew egkeiniyuǥan; ne emun pubri a, kela ke mekepemenakew a ne egkepeel-elezan ku sikew.

Jeremias 5:2

Iyan, minsan pa te edheǥeten niw is penangdù niw pinaaǥi te ngazan ku, edtarùtarù kew ǥihapun.”

Jeremias 7:9

Nenakew kew, nememunù, nengumpadi, nenangdù te tarù, midtutung te veyewà diyà te ki Baal, wey mid-azap kew te zuma he menge ed-ezapen he wazè niw ganì mekilala.

Ezekiel 44:19

Emun egawas sikandan diyà te ǥawas he lama he zutun is menge etew, kinahanglan he edluwasen dan dèpa is menge visti he migamit dan dutun te kebpenilbi zan ne idsavuk dan diyà te segradu he menge ruǥu, ne mebivisti zà sikandan te urdinaryu. Pinaaǥi kayi kenà ebpekezezaat te menge etew is kegkesegradu zuen te menge visti zan.

Leviticus 1:16

Ne kegkepasad dutun, id-awè din is evenan ragkes is taǥù din he kinaan kayi ne idtimbag din diyà te zapit te edsilaan duen te pemuhatà he zutun idsavuk is avu.

Leviticus 16:4

Kinahanglan he mebpemeziǥù sikandin ne isul-ub din is bisti he para te lavew he memumuhat he pudu linu: is pendizalem he visti he ebpeketambun te pid-etawan din, is pendivavew he visti, is bakes, wey is tengkulu.

Leviticus 19:12

Kenè kew penangdù te tarù he egemiten niw is ngazan ku, su emun ebeelan niw heeyan ne ebpeel-elezan a keniyu. Iyan a kes Nengazen.

Zacarias 5:4

Migkaǥi is Nengazen he Mekeǥeǥehem, ‘Ibpaaǥi ku heini he rawak ne edseled heini ziyà te valey te tekawen wey ziyà te valey te nenangdù te tarù he migamit din is ngazan ku. Ne kenà heini egkaawà diyà te kandan taman te egkepurung egkewaǥey is menge valey zan.’ ”

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”