Leviticus 4:6 - Manobo Western Bukidnon OT

⁶ Idtiyuk din is tezù din dutun te lengesa, ne is duma zutun ibpirik din te kepipitu ziyà te egkesineruwan duen te kurtina he ingkurtina te Utew Segradu he Lugar he ziyà te etuvangan te Nengazen.

Leviticus 4:6 ပူးပေါင်းရင်းမြစ်များ

Exodus 40:21

Ne inseled din sikan is Kavan duen te Tulda he Ed-ezapan, ne intaud din sikan is kurtina su wey mezilungi haazà is Kavan te Kebpekid-uyun.

Exodus 40:26

Inseled din duen te Tulda sikan is bulawan he pemuhatà, ne ziyè din ipelastar te etuvangan duen te kurtina,

Leviticus 14:16

ne idtiyuk din is tezù te kewanan he velad din kayi te lana ne ibpirik din heini te kepipitu ziyà te etuvangan te Nengazen.

Leviticus 14:18

Ne is egkesamè pa zuen te lana ziyà te palad duen te memumuhat, ne izazas duen te etew ziyà te ulu zin. Ne ibpemuhat dutun te memumuhat sikan is pemuhat he para idlumpiyu. Ne kegkepasad, edlepaan duen te memumuhat sikan is pemuhat he edtutungen ne ibpemuhat din heini ziyà te pemuhatà duma zuen te pemuhat he para gasa. Ne pinaaǥi kayi te ebeelan te memumuhat diyà te etuvangan te Nengazen, egkaawà is keremerik dutun te etew ne egkehimu en sikandin he lumpiyu.

Leviticus 14:27

ne pinaaǥi te kewanan he tezù din, ne ibpirik din haazà is lana te kepipitu ziyà te etuvangan te Nengazen.

Leviticus 14:7

Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis.

Leviticus 16:14

Egkuwa sikandin te lengesa zuen te vaka ne edhitindeg sikandin diyà te egkesineruwan duen te Kavan te Kebpekid-uyun te Nengazen he edsinaru ziyà te edsilaan. Ne pinaaǥi te tezù din ebpirikan din te kepipitu sikan is tambun kayi.

Leviticus 16:19

Ne pinaaǥi te tezù din ibpirik din te kepipitu zutun te pemuhatà is duma he lengesa te kebpemuhat kayi ziyà te Nengazen wey te ked-ewaa te keremerik te menge Israilihanen.

Leviticus 25:8

Dutun te kada ike-49 he tuig, te ikesepulù he andew te ikepitu he vulan he iyan kes Andew te Kebelukas te menge etew tenged te menge salè dan, ipezaǥing niw is menge vudyung diyà te tivuuk he lugar niw.

Leviticus 26:18

Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Leviticus 26:24

iyan a mismu egkuntra keniyu ne ebpurungan ku sikiyu edsiluti.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Leviticus 4:17

Itiyuk din is tezù din duen te lengesa, ne ipirik din heini te kepipitu ziyà te kurtina he ingkurtina zuen te Utew Segradu he Lugar, he zutun is Nengazen.

Leviticus 4:25

Ne itiyuk te memumuhat is tezù din duen te lengesa te kambing, ne ipalis din haazà duen te menge sungeysungey te menge suyuk duen te pemuhatà te pemuhat he edtutungen. Is egkesamà he lengesa, iitis din diyà te dizalem duen te pemuhatà.

Leviticus 4:30

Ne itiyuk te memumuhat is tezù din diyà te lengesa zuen te kambing, ne ipalis din haazà diyà te menge sungeysungey te menge suyuk duen te pemuhatà he pemuhat he edtutungen. Ne is egkesamà he lengesa ne iitis din diyà te zizalem duen te pemuhatà.

Leviticus 4:34

Ne idtiyuk te memumuhat is belad din diyà te lengesa zuen te kerehidu, ne ipalis din heini ziyà te menge sungeysungey te menge suyuk te pemuhatà te pemuhat he edtutungen. Is egkesamà he lengesa id-itis diyà te dizalem duen te pemuhatà.

Leviticus 8:11

Kepipitu zin piriki te lana sikan is pemuhatà wey is langun he ǥelemiten dutun te pemuhatà, ne iring din ded daan is bisin wey is selevukà kayi. Mibeelan din heini su inhalad din heini he menge azen diyà te Nengazen.

Leviticus 8:15

Midlapà ni Moises haazà is baka ne migkuwa sikandin te lengesa kayi. Intiyuk din is tezù din duen te lengesa, ne mibpelisan din sikan is menge sungeysungey te menge suyuk te pemuhatà he iyan kedlumpiyuwi kayi. Ne in-itis dutun is nesamà he lengesa diyà te zizalem duen te pemuhatà. Iyan heini paaǥi te kebpehinunguza zin duen te pemuhatà diyà te Nengazen, su para mehimu heini he ereg he ebpekelibri te mekesesalà.

Leviticus 9:9

Is lengesa kayi mid-uwit te menge anak din diyà te kandin, ne intiyuk din is tezù din dutun te lengesa, ne impirik din heini ziyà te menge sungeysungey te menge suyuk duen te pemuhatà. Is nesamà he lengesa in-itis din diyà te zizalem duen te pemuhatà.

Numero 19:4

Ne egkuwa si Eleazar te lengesa kayi pinaaǥi te tezù din, ne ibpirik din haazà te kepipitu ziyà te egkesineruwan duen te Tulda he Edtelevukaayan.

Josue 6:4

Ipehuna nu is ebivinting duen te Kavan te Kebpekid-uyun ku keniyu he pitu he menge memumuhat he ed-uwit te tigselimbaha he vudyung. Ne emun ikepitu en he andew, ne kepipitu niw liǥuya haazà is inged, duma te menge memumuhat he ebpezaǥing te vudyung.

Josue 6:8

Ne midtuman dan is mandù ni Josue. Midhuna is pitu he memumuhat duen te ebinting te Kavan te Kebpekid-uyun te Nengazen ne impezaǥing dan is menge vudyung dan.