Leviticus 4:3 - Manobo Western Bukidnon OT

³ Emun ebpekesalà is lavew he memumuhat he wazè din tivevaa, ne tenged dutun egkezelahig is menge etew, mebpemuhat sikandin diyà te Nengazen te turiti he vaka he wazè din sazir he pemuhat he para idlumpiyu.

Leviticus 4:3 ပူးပေါင်းရင်းမြစ်များ

2 Cronica 29:21

Midtundan dan te pitu he tudu he vaka, pitu he meemahan he menge kerehidu he memeǥurang en, pitu he meemahan he menge kerehidu he menge nati pa, wey pitu he meemahan he kambing he pemuhat he para idlumpiyu te ginhedian dan, wey te Baley te Nengazen wey te menge etew ziyà te Juda. Midsuǥù ni Hadì Hezekia is menge memumuhat he menge kevuwazan ni Aaron te kebpemuhat keniyan he menge pemuhat diyà te pemuhatà he para te Nengazen.

Ezra 8:35

Ne zutun, is langun he nemen-ulì puun te kegkevihag nemuhat diyà te Megbevayà te Israel te menge pemuhat he edtutungen: 12 he tudu he vaka he para te tivuuk he Israel, 96 he meemahan he memeǥurang en he menge kerehidu, 77 he meemahan he nati he menge kerehidu. Nemuhat daan sikandan te 12 he meemahan he menge kambing he pemuhat he para idlumpiyu. Heini is langun, menge pemuhat he edtutungen para te Nengazen.

Exodus 29:14

Ne sikan is sapù duen te vaka, lundis din, wey bituka zin, ne ziyè nu tutunga te gawas te kampu. Heini he pemuhat, pemuhat para idlumpiyu.

Exodus 29:21

Ne kuwa ka te lengesa he zutun te pemuhatà, ne isahug nu heini te lana he para idlana ne ipirik nu haazà diyà te ki Aaron wey ziyà te menge visti zin, ipirik nu zaan duen te menge anak din, wey ziyà te menge visti zan. Dutun, si Aaron wey sikan is menge anak din he maama wey is menge visti zan, igkepehinungud en kayi te kediey.

Exodus 29:7

Kuwa ka te lana he para zà te idlana te ebpilien ku, ne ilana nu ziyà te ulu ni Aaron.

Exodus 30:10

Kesevaha te kada tuig, kinahanglan he edlumpiyuwan ni Aaron sikan is pemuhatà pinaaǥi te kebpelisi te lengesa zuen te menge sungeysungey te menge suyuk kayi. Haazà is lengesa he ibpalis, ne lengesa zuen te pemuhat he para idlumpiyu. Kinahanglan he kenè en ed-engkezan is kebeeli kayi kada tuig pehendiyè en te huziyan he lapis te menge kevuwazan; mid-isip ku heini he segradu utew he pemuhatà.”

Ezekiel 40:39

Is kada kilid dutun te varkun duen dutun dezuwa he lemisahan he zutun edlepaa is menge uyaǥen he pemuhat he edtutungen, pemuhat he idlumpiyu, wey pemuhat he vayad te salà.

Ezekiel 43:19

Is menge memumuhat he ebpenilbi kedì, he ebpuun te tribu ni Levi he menge kevuwazan ni Zadok, ebeǥayan te turiti he vaka he ibpemuhat dan he pemuhat he para idlumpiyu.

Ezekiel 44:27

ne emun edseled en sikandan diyà te seled he lama zuen te valey ku te kebpenilbi zutun, ne kinahanglan he ebpemuhat dèpa sikandan te pemuhat he idlumpiyu para te keugelingen dan. Iyan is Nengazen he MEGBEVAYÀ, migkaǥi kayi.”

Leviticus 1:10

Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 16:11

Edlepaan ni Aaron sikan is turiti he vaka he pemuhat he para idlumpiyu kandin wey te menge pemilya zin.

Leviticus 16:3

Iyan heini insuǥù te Nengazen he veeli ni Aaron dutun te andew he edseled sikandin diyà te Utew Segradu he Lugar: Med-uwit sikandan te turiti he vaka he pemuhat he para idlumpiyu wey meemahan he kerehidu he pemuhat he edtutungen.

Leviticus 16:5

Mebeǥey kandin te zezuwa he meemahan he menge kambing is keet-etawan te Israel he pemuhat he para idlumpiyu wey sevaha he meemahan he kerehidu he pemuhat he edtutungen.

Leviticus 16:6

Ibpemuhat ni Aaron haazà is turiti he vaka he pemuhat he para idlumpiyu para mehimu sikandin he lumpiyu wey is menge pemilya zin.

Leviticus 4:14

Ne emun egketuenan dan en he nekesalè bes sikandan, is tivuuk he keet-etawan mebpemuhat te turiti he vaka su pemuhat he para idlumpiyu. Uwita zan heini is baka ziyà te Tulda he Edtelevukaayan.

Leviticus 4:23

Ne emun egketuenan din en he nekesalè bes sikandin, ne mebpemuhat sikandin te meemahan he kambing he wazè din sazir.

Leviticus 4:28

Emun egketuenan din en he nekesalè bes sikandin, ne mebpemuhat sikandin te vehiyan he kambing he wazè din sazir he para te salà he neveelan din.

Leviticus 4:5

Ne egkuwa is lavew he memumuhat te lengesa zutun te vaka ne ed-uwiten din haazà diyà te seled te Tulda.

Leviticus 5:6

Ne veyazi zin haazà is salà he neveelan din pinaaǥi te kebpemuhat din diyà te Nengazen te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din.

Leviticus 6:18

Is langun he maama he menge kevuwazan ni Aaron egkehimu he egkeenen dan is bahin dan dutun te menge pemuhat pinaaǥi te hapuy. Para zà heini kandan taman te peleebuten he menge kevuwazan wey kenà heini egkeengked taman te taman. Is ebpekezegkit kayi he menge pemuhat, egkeipiktuwan te kegkesegradu kayi.

Leviticus 8:12

Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Leviticus 9:2

Migkeǥiyan ni Moises si Aaron te, “Kuwa ka te sevaha he turiti he vaka wey sevaha he meemahan he kerehidu he pudu wazè din sazir, ne ipemuhat nu ziyà te Nengazen. Is baka, pemuhat he para idlumpiyu, ne is kerehidu, pemuhat he edtutungen.

Leviticus 9:3

Ne keǥiyi nu is menge Israilihanen he megkuwa zan te meemahan he kambing he pemuhat he para idlumpiyu. Wey megkuwa zan daan te vaka wey kerehidu he pudu tig senge-tuig pa is keǥurang he wazè din sazir he pemuhat he edtutungen.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 8:8

Ne ipeuwit nu sikandan te turiti he vaka wey pemuhat he para gasa he meupiya he kelasi te herina he midsehuǥan te lana. Ipeuwit nu zaan sikandan te sevaha pa he turiti he vaka he pemuhat he para idlumpiyu.