Leviticus 4:27 - Manobo Western Bukidnon OT

²⁷ Emun is sevaha keniyu nekerapas te suǥù te Nengazen he wazè din tivevaa, nekesalà gihapun sikandin.

Leviticus 4:27 ပူးပေါင်းရင်းမြစ်များ

Salmo 19:13

Ne tevangi a zaan kenikew wey a kenà mekevaal te menge salà he edtivevaan ne kenè nu ituǥut he meuripen a kayi, su para wazà igkesawey kedì ne zutun egkelikayan ku is mehabet he kelasi te kebpekesalà.

Exodus 12:49

Is belaud he para keniyu te menge Israilihanen ne iyan ded belaud he para te kenà menge Israilihanen he mid-ubpà duma keniyu.”

Ezekiel 45:17

Ketengdanan te pengulu is kebeǥey te menge pemuhat he edtutungen, pemuhat he para gasa, pemuhat he inumen, pemuhat he para idlumpiyu, wey pemuhat he para te meupiya he kedepità dutun te timpu te menge pista iring te Pista te Kebpuun te Hayag, menge Andew te Kedhimeley, wey zuma pa he menge pista he edsilibrahan te menge Israilihanen. Ibpemuhat heini he menge pemuhat su wey mevelukasi is menge Israilihanen tenged te menge salè dan.”

Ezekiel 45:20

Iyan ded heini veeli niw zutun te ikepitu he andew te iyan ded gihapun he vulan he para te minsan hentei he nekesalà he wazè din tivevaa etawa nekesalà he wazè din metueni. Pinaaǥi kayi egkelumpiyuwan is baley ku.

Leviticus 4:13

Emun ebpekerapas te suǥù te Nengazen is tivuuk he keet-etawan te Israel he wazè dan tivevaa, nekesalè dan gihapun minsan pa is kezekelan kandan wazà mesayud mehitenged kayi.

Leviticus 4:22

Emun ebpekerapas te suǥù te Nengazen he Megbevayè din is sevaha he egalen, piru wazè din heini tivevaa, nekesalà gihapun sikandin.

Leviticus 5:17

Emun nekerapas te suǥù te Nengazen is sevaha he etew he wazè din metueni, nekesalà sikandin, ne zuen din televaken diyà te Nengazen.

Leviticus 9:15

Ne kegkepasad dutun mid-uwit din is menge pemuhat te menge etew. Midlapè din sikan is kambing, ne impemuhat din para melumpiyuwi is menge etew iring duen te mibeelan din diyà te pemuhat he para melumpiyuwi sikandin.

Numero 15:16

Uya, neked-iring dà he menge suǥù wey menge sulunuzen is kinahanglan he edtumanen niw te menge Israilihanen wey is kenà menge Israilihanen he mid-ubpà duma keniyu.”

Numero 15:22

“Ne penenglitan, sikiyu is menge keet-etawan, nekerapas kew he wazè niw tivevaa zuen te sevaha te menge suǥù he imbeǥey ku ki Moises. (Ne heini he menge suǥù imbeǥey ku keniyu pinaaǥi ki Moises kinahanglan he edtumanen niw heini puun te andew te kebeǥaya ku kayi taman te taman.)

Numero 15:27

“Ne emun sevaha zà he etew is nekesalà te wazà tivevaa, ne med-uwit sikandin te sevaha he vehiyan he kambing he senge-tuig is keǥurang din he pemuhat he para idlumpiyu.

Numero 15:29

Neked-iring dà is sulunuzen he para zuen te nekesalà he wazè din tivevaa, Israilihanen man etawa kenà Israilihanen he emurè niw te inged.

Numero 5:6

“Keǥiyi nu is menge Israilihanen he emun duen maama etawa vahi he nekesupak te egkesuatan te Nengazen pinaaǥi te kebaal te mezaat diyà te iring din he etew, heeyan he etew nekesalà.