Leviticus 4:24 - Manobo Western Bukidnon OT

²⁴ Pemuhat heini he idlumpiyu kandin. Izampè din is belad din diyà te ulu zutun te kambing, ne lepaa zin haazà diyà te etuvangan te Nengazen, diyà te lugar he lepeey zaan te menge pemuhat he uyaǥen he iyan pemuhat he edtutungen.

Leviticus 4:24 ပူးပေါင်းရင်းမြစ်များ

2 Hadì 12:16

Is selapì he imbeǥey zuma te menge halad su imbayad te salà wey is menge pemuhat he para idlumpiyu, wazà haazà iahuk duen te kahun diyà te valey te Nengazen, su para zà haazà te menge memumuhat.

2 Cronica 29:23

Sikan is menge kambing he pemuhat he para idlumpiyu, mid-uwit diyà te hadì wey ziyà te kezekelan, ne indampè dan is menge velad dan dutun te menge kambing.

Exodus 29:38

“Kada andew kinahanglan he ibpemuhat nu zutun te pemuhatà is dezuwa he nati he kerehidu he tigsenge-tuig is keǥurang dan.

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Leviticus 1:11

Lepaa zin heini ziyà te etuvangan te Nengazen diyà te egkezizaya te pemuhatà. Ne is lengesa kayi ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 1:4

Izampè din is belad din diyà te ulu zuen te vaka he ibpemuhat din, ne edewaten heini te Nengazen su wey melibri sikandin puun te menge salè din.

Leviticus 1:5

Ne lepaa zin haazà he uyaǥen diyà te etuvangan te Nengazen. Ne is lengesa kayi ibpirik te menge memumuhat he menge kevuwazan ni Aaron peliǥuy zuen te pemuhatà he ziyà te ǥemawan te Tulda he Edtelevukaayan.

Leviticus 14:13

Edlepaan din haazà is kerehidu ziyà te segradu he lugar, ziyà te lepeey te pemuhat he para idlumpiyu wey te pemuhat he edtutungen. Heini is pemuhat he kerehidu, utew segradu, ne para zà heini te menge memumuhat, he iring te pemuhat he idlumpiyu.

Leviticus 16:15

Edlepaan din daan sikan is kambing he pemuhat he para idlumpiyu te menge etew. Ed-uwiten din is lengesa kayi ziyà te Utew Segradu he Lugar ne ibpirik din duen te tambun te Kavan te Kebpekid-uyun, iring duen te mibeelan din duen te lengesa te vaka.

Leviticus 3:13

izampè din is belad din diyà te ulu zutun te kambing ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 3:2

Izampè din is belad din diyà te ulu zutun te vaka, ne ziyè din heini lepaa te ǥemawan te Tulda he Edtelevukaayan. Is lengesa kayi, ne ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 3:8

izampè din is belad din diyà te ulu zutun te kerehidu ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 6:18

Is langun he maama he menge kevuwazan ni Aaron egkehimu he egkeenen dan is bahin dan dutun te menge pemuhat pinaaǥi te hapuy. Para zà heini kandan taman te peleebuten he menge kevuwazan wey kenà heini egkeengked taman te taman. Is ebpekezegkit kayi he menge pemuhat, egkeipiktuwan te kegkesegradu kayi.

Leviticus 6:22

Ne kinahanglan he edtutungen heini langun, su heini he pemuhat, ne para te Nengazen, ne ed-ul-ulahan heini taman te taman. Kinahanglan he ed-ul-ulahan heini te kevuwazan ni Aaron he iyan ebpekeilis kandin he egkehimu he memumuhat.

Leviticus 6:25

he egkeǥiyan si Aaron wey sikan is menge anak din he maama kayi he menge sulunuzen: Is pemuhat he para idlumpiyu, kinahanglan he edlepaan diyà te etuvangan te Nengazen diyà te lugar he lepeey te pemuhat he edtutungen. Is pemuhat he para idlumpiyu, utew heini segradu he pemuhat.

Leviticus 7:2

Is pemuhat he vayad te salà edlepaan diyà te lepeey te pemuhat he edtutungen. Ne is lengesa kayi ibpirik diyà te peliǥuy te pemuhatà.