Leviticus 3:9 - Manobo Western Bukidnon OT

⁹ Puun dutun te ibpemuhat, ne edtarin is memumuhat te ibpemuhat din diyà te Nengazen he pemuhat pinaaǥi te hapuy. Egkuwaan din is menge tavà kayi, is tivuuk he melambù he ikug he midlempek tempeza, is langun he tavà diyà te seled te ǥetek,

Leviticus 3:9 ပူးပေါင်းရင်းမြစ်များ

2 Samuel 6:17

Insavuk eni David haaza is Kavan te Nengazen dutun te seled te tulda he mibeelan ni David he edsevukan din dutun te Kavan. Ne nemuhat si David diyà te Nengazen te menge pemuhat he edtutungen wey menge pemuhat he para te meupiya he kedepità.

1 Hadì 3:15

Nepukew si Solomon, ne zutun neisip-isip din he nekidlalag kandin is Nengazen pinaaǥi te teǥeinep. Te kedlikù ni Solomon diyà te Jerusalem, midhitindeg sikandin diyà te etuvangan duen te Kavan te Kebpekid-uyun te Nengazen, ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne midhimu sikandin te keemuran para te langun he menge upisyal zin.

1 Hadì 8:63

Nemuhat dan te pemuhat he para te meupiya he kedepità. Is kezakel te impemuhat dan 22,000 he vaka wey 120,000 he menge kerehidu wey menge kambing. Pinaaǥi kayi impehinungud duen te hadì wey te menge Israilihanen diyà te Nengazen sikan is baley te Nengazen.

1 Hadì 8:64

Dutun daan he andew, impehinungud duen te hadì sikan is lama he ziyà te egkesineruwan duen te valey te Nengazen. Ne nemuhat dan dutun te menge pemuhat he edtutungen, menge pemuhat he para gasa, wey menge tavà he pemuhat he para te meupiya he kedepità. Su sikan is brunsi he pemuhatà diyà te egkesineruwan duen te valey te Nengazen he utew zeisey ne kenà ed-ereg heini he menge pemuhat.

1 Cronica 16:1

Insavuk eni David haaza is Kavan te Kebpekid-uyun te Megbevayà dutun te seled te tulda he mibeelan ni David he edsevukan din dutun te Kavan. Ne nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

Exodus 29:22

“Kuwaa nu is menge tavà duen te kerehidu, sikan is melambù he ikug din, sikan is menge tavà diyà te seled te ǥetek, sikan is deisey he vahin te atey, wey sikan is menge vuwà ragkes is menge tavà kayi, wey sikan is kewanan he vuvun. Iyan heini is kerehidu pemuhat para te kedhimuwa te memumuhat he memumuhat.

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Leviticus 7:3

Pudu ibpemuhat is tavà kayi: is melambù he ikug, is menge tavà diyà te seled te getek,

Leviticus 8:25

Migkuwa zin is menge tavà, is melambù he ikug, is langun he tavà diyà te seled te ǥetek, is deisey he vahin te atey, is menge vuwà ragkes is menge tavà kayi, wey is kewanan he vuvun.

Leviticus 9:19

Is menge tavà kayi he menge uyaǥen, is melambù he ikug, is menge tavà diyà te seled te ǥetek, is menge vuwà, wey is deisek he menge parti te menge atey,

Numero 7:88

Is menge uyaǥen he pemuhat he para te meupiya he kedepità: 24 he tudu he vaka, 60 he meemahan he menge kerehidu he meǥurang en, 60 he meemahan he menge kambing, wey 60 he meemahan he menge kerehidu he tig senge-tuig pa is keǥurang dan. Iyan heini kes langun he menge pemuhat he para te kebpehinunguza zuen te pemuhatà.

1 Samuel 10:8

“Huna ke en kedì diyà te Gilgal. Edtelukun e zà kenikew su ebpemuhat a te pemuhat he edtutungen wey te menge pemuhat he para te meupiya he kedepità. Piru teǥazi a kenikew taman te pitu he andew taman te ebpekeuma a, su egkeǥiyen ku kenikew ke hengkey is ebeelan nu.”