Leviticus 3:2 - Manobo Western Bukidnon OT

² Izampè din is belad din diyà te ulu zutun te vaka, ne ziyè din heini lepaa te ǥemawan te Tulda he Edtelevukaayan. Is lengesa kayi, ne ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 3:2 ပူးပေါင်းရင်းမြစ်များ

Exodus 29:10

“Uwita nu sikan is turiti he vaka ziyà te etuvangan te Tulda he Edtelevukaayan, ne keǥiyi nu si Aaron wey sikan is menge anak din he izampè dan is palad dan diyà te ulu zutun te vaka.

Exodus 29:11

Ne lepaa nu haazà is baka ziyà te etuvangan te Nengazen diyà te gemawan dutun te Tulda he Edtelevukaayan.

Exodus 29:15

“Egkepasad haazà, iyan nu en maan kuwaa sikan is sevaha zuen te zezuwa he meemahan he menge kerehidu, ne keǥiyi nu si Aaron wey sikan is menge anak din he izampè dan is palad dan diyà te ulu zuen te kerehidu.

Exodus 29:16

Lepaa nu haazà, ne uwita nu is lengesa zin, ne ipirik nu zuen te pesikilizà duen te pemuhatà.

Exodus 29:19

“Ne kuwaa nu en daan sikan is nesamà duen te zezuwa he meemahan he kerehidu, ne idampà ni Aaron wey te menge anak din diyà te ulu zutun is palad dan.

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Leviticus 1:11

Lepaa zin heini ziyà te etuvangan te Nengazen diyà te egkezizaya te pemuhatà. Ne is lengesa kayi ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 17:3

Is minsan hentei keniyu he ebpemuhat te vaka, kerehidu etawa kambing diyà te zuma he lugar,

Leviticus 17:4

ne kenà diyà te Tulda he Ed-ezapan (egngezanan daan he Tulda he Edtelevukaayan), ne iring ded te nekevunù sikandin te etew, umbe kenè niw sikandin isipa he zuma niw. Midhimu heini he kebpemuhat su para ziyè niw veeli is kebpemuhat te ǥemawan te Tulda ne kenà diyà te zuma he lugar. Umbe is ibpemuhat niw he pemuhat he para gasa iveǥey niw ziyà te memumuhat he iyan ebpemuhat kayi ziyà te Nengazen.

Leviticus 3:3

Puun dutun te ibpemuhat, ne edtarin is memumuhat te ibpemuhat din diyà te Nengazen he pemuhat pinaaǥi te hapuy. Egkuwaan din is langun he tavà diyà te seled te ǥetek kayi,

Leviticus 3:8

izampè din is belad din diyà te ulu zutun te kerehidu ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 8:22

Ne impekuwa zaan ni Moises sikan is ikezuwa he meemahan he kerehidu. Heini he kerehidu pemuhat he para te kedhimuwa te memumuhat he memumuhat. Indampà ni Aaron wey te menge anak din is menge velad dan diyà te ulu zuen te kerehidu.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.

Numero 18:17

Piru kenè niw mulà ipelekat is kinekekayan he tudu he vaka, kerehidu, etawa kambing su kediey en haazà. Lepaa niw heini ne ipirik niw is lengesa kayi ziyà te pemuhatà ne tutunga niw is menge tavà he pemuhat pinaaǥi te hapuy. Is kehemut kayi he pemuhat te pinaaǥi te hapuy ne ebpekepenunuat kedì.