Leviticus 27:9 - Manobo Western Bukidnon OT

⁹ Emun iyan impenaad din is uyaǥen he egkehimu he ibpemuhat diyà te Nengazen, heeyan he uyaǥen egkehimu en he gaked te Nengazen.

Leviticus 27:9 ပူးပေါင်းရင်းမြစ်များ

Erubasa 20:25

Ebpekezezaat is kegkemeǥègaanen te kebpenangdù he ibpemuhat nu is sevaha he azen diyà te Nengazen. Kinahanglan he purung ka isip-isip ne human ka penangdù.

Megwewali 5:6

Kenè ka mebaal te salà pinaaǥi te kegkaǥi nu, emun ebpekekaǥi ka te sayep ne kenè ka megkaǥi te wazè nu haazà tivevaa, su igkepauk te Megbevayà ke egkeǥiyen nu haazà ne edèdeetan din is hineǥuan nu.

Ezekiel 48:14

Kinahanglan he kenè dan ivelegyà etawa iliwà is minsan deisey zà he vahin kayi, su iyan heini utew meupiya he tanà wey segradu heini para te Nengazen.

Leviticus 27:10

Kinahanglan he kenè din en heini liwai te selakew en he uyaǥen, minsan pa ke edhuna he meupiya is idliwà etawa edliwaan. Emun ebeelan din heini ne sikan is uyaǥen he impenaad din wey sikan is uyaǥen he idliwè din ne pudu egkehimu he ǥaked te Nengazen.

Leviticus 27:8

Emun pubri is nekepenaad ne kenà sikandin ebpekevaug he ebayad dutun he kentidad, ne uwita zin diyà te memumuhat sikan is etew he impenaad din he idhalad din diyà te Nengazen, ne iyan egkaǥi haazà is memumuhat te vali he egkevaug dutun te etew te ebayad.

Leviticus 5:15

Emun ebpekesupak is sevaha he etew tenged te wazè din ikeveǥey is butang he para pezem te Nengazen, minsan wazè din heini tivevaa, kinahanglan he ebpemuhat sikandin te meemahan he kerehidu he wazè din sazir he vayad te salè din. Is bali te kerehidu ibpesikad diyà te keveǥat te pelata ziyà te timbangan he egemiten te menge memumuhat. Heini he pemuhat, ne bayad te salà.