Leviticus 27:3 - Manobo Western Bukidnon OT

^3-7 emun ebeyazan is bali zin te ziyà ibasi is keveǥat din te timbangan he egemiten te menge memumuhat: is ebpenuiǥen te senge vulan pehendiyà te heepat he tuig maama: 5 he vuuk he pelata bahi: 3 he vuuk he pelata is ebpenuiǥen te 5 he tuig pehendiyà te 19 maama: 20 he vuuk he pelata bahi, 10 he vuuk he pelata is ebpenuiǥen te 20 he tuig pehendiyà te 59 maama: 50 he vuuk he pelata bahi: 30 he vuuk he pelata is ebpenuiǥen te 60 he tuig pehendiyà te metikang maama: 15 he vuuk he pelata bahi: 10 he vuuk he pelata.

Leviticus 27:3 ပူးပေါင်းရင်းမြစ်များ

2 Hadì 12:4

Migkeǥiyan ni Joash is menge memumuhat te, “Tiǥuma niw is langun he selapì he mid-uwit diyà te valey te Nengazen he inhalad: is selapì he nekulikta tenged te sinsus, is selapì he vayad tenged te penaad, wey is selapì he pemuhat he kineugelingen he suat is kebpemuhata zuen.

Exodus 30:13

Is kada sevaha he maama he egkeragkes dutun te sinsus, kinahanglan he ebayad te heenem he gramu he pelata he edsungkad diyà te timbangan te pelata te menge memumuhat. Kinahanglan he ebayad is kada sevaha keniyu, su halad niw heini kayi te kedì.

Exodus 38:24

Is keveǥat te langun he vulawan he inhalad para egemiten te kebeeli zuen te Tulda he Ed-ezapan, menge 1,000 he kilu ziyà te timbangan te menge memumuhat.

Leviticus 27:14

Emun inhalad te etew is baley zin diyà te Nengazen, ne edsusiyen te memumuhat haazà is baley ke meupiya pe be wey ke kenè en, ne ebeliyan din heini te vali he kenè en egkahalinhalin.

Leviticus 27:25

Is langun he prisyu te menge inhalad diyà te Nengazen kinahanglan he ziyà ibpesikad te keveǥat te pelata ziyà te timbangan he egemiten te menge memumuhat.

Leviticus 5:15

Emun ebpekesupak is sevaha he etew tenged te wazè din ikeveǥey is butang he para pezem te Nengazen, minsan wazè din heini tivevaa, kinahanglan he ebpemuhat sikandin te meemahan he kerehidu he wazè din sazir he vayad te salè din. Is bali te kerehidu ibpesikad diyà te keveǥat te pelata ziyà te timbangan he egemiten te menge memumuhat. Heini he pemuhat, ne bayad te salà.

Leviticus 6:6

Med-uwit sikandin diyà te memumuhat te meemahan he kerehidu he wazè din sazir, ne ipemuhat din heini ziyà te Nengazen he vayad te salè din. Ne kinahanglan he is bali te kerehidu ne pelata he ibpesikad is keveǥat din diyà te timbangan he egemiten te menge memumuhat.

Numero 18:16

Ipelekat niw heini emun senge vulan en is keǥurang dan, ne kinahanglan he ipelekat niw heini te lelima he vuuk he pelata, he ibpesikad diyà te keveǥat te pelata ziyà te timbangan he egemiten te menge memumuhat.

Numero 3:47

Ne para melekat sikandan, kinahanglan he ebeyazan is kada sevaha kandan te lelima he vuuk he pelata he ibpesikad diyà te keveǥat te pelata ziyà te timbangan he egemiten te menge memumuhat.