Leviticus 26:5 - Manobo Western Bukidnon OT

⁵ Egkehimu he utew zekelà is sebpet niw ne minsan is timpu te kegunas niw te menge pungu ebpekeuma pa taman te kebpenrupù te beǥas te menge paras, ne is timpu te kebpenrupù niw te beǥas te paras ebpekeuma pa te timpu te kebpemula niw. Umbe ebpekevayèbayè kew te kegkaan niw ne ebpekepengungubpaan kew pa he melinawen diyà te lugar niw.

Leviticus 26:5 ပူးပေါင်းရင်းမြစ်များ

Salmo 144:13

Berakat he mepenù is menge budiga zey te langun he kelasi te neraǥun. Berakat he med-anak te mahabet is menge kerehidu zey ziyà te vevesukà.

Salmo 90:1

Nengazen, puun pa zengan ne ziyè key en med-ubpà te kenikew.

Exodus 16:8

Ne migkaǥi pa si Moises te, “Ebeǥayan kew te Nengazen te usa he egkekaan niw emun mezukilem wey emun meselem egkeveyangan kew te supas su nezineg din is kebegulbul niw ziyà te kandin. Ne egkesavut niw human he kenè key iyan mibegulbulan niw, kekenà, iyan is Nengazen. Hentei key ves is ebegulbulan niw?”

Erubasa 1:33

Iyan, is ebpemineg kedì, dezeyaan is kebpekesavuk din. Ne kenà sikandin egkehandek he egkekeizan.”

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Isaias 1:19

Emun ebpezumazuma kew kedì, ne edtuvazan ku sikiyu.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Jeremias 23:6

Iyan heini ngazan he igngazan kandin: ‘Is Nengazen iyan Mibeǥey Kenitew te Ketazeng.’ Dutun he timpu egkelibri is Juda wey ebpekaangken te kelinew is Israel.

Hoseas 2:18

Dutun he timpu ebaal a te kesebutan diyà te langun he menge langgam he kenè kew zan menuwa. Id-awè ku ziyà te tanà he Israel is menge ǥumaan te kebpekidtebek iring te panà wey ispada. Ne ǥeina te wazè en tebek, ne ebpekelipezeng kew he wazè niw igkahandek he kezeetan.

Hoseas 2:20

ne egkehimu a he metinumanen diyà te keniyu. Umbe egkilelaan a keniyu he Nengazen.

Joel 2:19

Ne midtavak din is ampù dan he ke sikandin diyà te kandan te, “Ebeǥayan ku sikiyu te menge trigu, beǥu he vinu, wey lana; ne egkeperahan kew. Ne kenè ku en idtuǥut he peel-elezi kew te menge etew ziyà te zuma he menge nasyun.

Joel 2:22

Ne kenà daan ereg he egkahandek is menge langgam, su mibmeilem en is menge penebtavà wey nemeǥas en is menge kayu ragkes en is higus. Nemeǥas en daan is menge paras.

Joel 2:26

Ne ǥuntaan edekelè en is keenen niw ne egkengehantey kew. Ne tenged kayi, edeliǥen a keniyu is Megbevayè niw, he mibaal te egkein-inuwan he menge vaal diyà te keniyu. Ne kenè kew en egkepeel-elezan is menge etew ku minsan keenu.

Amos 9:13

Migkaǥi pa is Nengazen bahin te menge tig-Israel, “Egkeuma is timpu he utew sikandan ed-uzara, ne kenè pa egkepasad is kedreǥuna te menge abut dan ne egkeume en is timpu te ked-eradu. Ne is kegkeres dan te paras ne kenè pa egkepasad ne egkeume en is timpu te ked-uman kebpemula te paras. Emun ed-ahaan ta is utew mahabet he menge paras diyà te menge vuntud ne henduen be heini te edtudà he veǥu he vinu.

Deuteronomio 11:15

Ebeǥayan din te penebtavà is menge uyaǥen niw, ne sikiyu zaan, dekelà is keenen niw.