Leviticus 26:4 - Manobo Western Bukidnon OT

⁴ ebpeuzanan ku sikiyu zutun te hustu he timpu su wey mebeǥey te sebpet is tanà ne ebpekepemeǥas is menge kayu.

Leviticus 26:4 ပူးပေါင်းရင်းမြစ်များ

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

Job 5:10

Ebpeuzanan din heini is kelibutan su wey mewehiǥi is menge pemuleey.

Salmo 104:13

Ne ebpuun diyà te ubpeey nu he langit, mibpeuzanan nu is menge vuntud. Ne tenged kayi te vaal nu nekezawat te tuvad nu is kelibutan.

Salmo 67:6

Berakat he mebeǥey te sebpet is tanà. Berakat he edtuvazan kiw te Megbevayè tew. Berakat he edtahud kandin is langun he menge etew ziyà te minsan hendei kayi te kelibutan.

Salmo 68:9

Ne wazà kurang te uzan he imbeǥey nu, umbe nepurung mahames is memaza he tanà he imbeǥey nu ziyà te menge etew nu.

Salmo 85:12

Siguradu he edtuvazan kiw te Nengazen, ne edekelà is sebpet te tanè tew.

Salmo 85:13

Is ketazeng iring te menunudtulà he edhuna te Nengazen su ed-endamen din is ibayà te Nengazen.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Ezekiel 36:30

Ibpeveǥas ku te mahabet is menge kayu niw wey ibpezekelè ku is menge abut niw, su wey kew kenè en mepeel-elezi ziyà te zuma he menge nasyun tenged te kebitila niw.

Joel 2:22

Ne kenà daan ereg he egkahandek is menge langgam, su mibmeilem en is menge penebtavà wey nemeǥas en is menge kayu ragkes en is higus. Nemeǥas en daan is menge paras.

Leviticus 25:21

Su edtuvazan ku is tanè niw zutun te ikeenem he tuig para zekelà is egkeraǥun puun duen ne ebpekesustinir te tetelu he tuig.

Zacarias 8:12

Ke ebpemula kew ne zuen kelinew. Ebpemeǥas is menge paras, duen egkeraǥun diyà te tanà, ne zuen en dehemug. Heini is langun, ibeǥey ku ziyà te keniyu te egkengesama, ne egkaangken niw heini.

Deuteronomio 11:13

“Umbe emun layun niw edtumana is menge suǥù he ibeǥey ku keniyu ǥuntaan, he mahala niw is Nengazen he Megbevayè niw wey silbiyi niw sikandin te ebpuun diyà te tivuuk he ǥehinawa niw wey tivuuk he kedsavut niw,

Deuteronomio 11:14

ebpeuzanan kew zin dutun te hustu he timpu su wey kew sebpeta te trigu, paras he para ebeelan niw he vinu, wey ulibu he para ebeelan niw he lana.

Deuteronomio 28:12

Ibpeuzan te Nengazen diyà te keniyu te hustu he timpu he ebpuun diyà te midteǥuan din te zekelà he ketiǥeyunan din diyà te langit, ne edtuvazan din is langun he menge vaal niw. Ebpekepesambey kew ziyà te mahabet he menge nasyun, piru kenè kew mulà ebpekepemenambey.