Leviticus 25:3 - Manobo Western Bukidnon OT

^3-4 Seled te heenem he tuig ne ebpekepemula kew wey ebpekeraǥun. Piru te ikepitu he tuig ne kinahanglan he ibpehimeley niw is tanà. Kenè niw pemulai is menge vevesukè niw ne kenè niw zaan penempezi te menge subpang is menge paras niw.

Leviticus 25:3 ပူးပေါင်းရင်းမြစ်များ

Exodus 23:10

“Seled te heenem he tuig pemulai niw is menge tanè niw su wey kew sebpeta.

Exodus 23:11

Piru zutun te ikepitu he tuig ipehimeley niw is tanè niw pinaaǥi te kenè niw zuen kedterebehuwa. Ne emun duen dutun ebpenuvù he egkekaan, ne haazà egkehimu he keenen te menge zuma niw he pubri, ne is egkesamè dan egkehimu he keenen te menge leew he langgam. Ne iringa niw zed daan kayi is pemuleey niw te paras wey pemuleey te ulibu niw.

Leviticus 25:2

he keǥiya zin heini ziyà te menge Israilihanen: Emun ebpekeuma kew en duen te tanà he ibeǥey ku keniyu, kenè niw pemulai is tanà te kada ikepitu he tuig su wey a keniyu meveǥayi te zengeg.