Leviticus 24:9 - Manobo Western Bukidnon OT

⁹ Heini he menge supas, ne para ki Aaron wey te menge kevuwazan din. Egkeenen dan heini ziyà te segradu he lugar zutun te Tulda, tenged te utew heini segradu he vahin te menge pemuhat. Ne para heini kandan taman te taman.

Leviticus 24:9 ပူးပေါင်းရင်းမြစ်များ

Exodus 27:21

Is selevukà te sulù, kinahanglan he idsavuk diyà te ǥawas te kurtina he ebpeketambun duen te Kavan te Kebpekid-uyun. Si Aaron wey is menge kevuwazan din iyan ed-etiman duen te menge sulù duen te Tulda he Edtelevukaayan. Ibpesiǥa zan heini ziyà te etuvangan ku meselem wey mezukilem. Heini he menge sulunuzen ereg he edtumanen te menge Israilihanen taman te huziyan he menge lapis te menge kevuwazan dan.

Leviticus 10:12

Migkaǥi si Moises diyà te ki Aaron wey ziyà te zezuwa he anak ni Aaron he nesamà he iyan si Eleazar wey si Itamar, “Kuwaa niw is pemuhat he para gasa he nesamà duen te menge pemuhat pinaaǥi te hapuy he ibpemuhat para te Nengazen. Lutua niw heini ne kenà edtepayan ne keena niw ziyà te avey te pemuhatà su utew heini segradu he pemuhat.

Leviticus 10:17

Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te Nengazen keniyu su wey mevelukasi is menge etew puun te menge salè dan diyà te etuvangan te Nengazen.

Leviticus 24:10

Duen sevaha he etew he is amey zin Ehiptohanen ne is iney zin Israilihanen. (Is ngazan te iney zin iyan si Shelomit, he anak ni Dibri te ebpuun diyà te tribu ni Dan.) Nekidtebek heini he etew te sevaha he Israilihanen diyà te kampu, ne midsumpalit din is ngazan te Nengazen. Umbe mid-uwit dan haazà diyà te ki Moises,

Leviticus 3:17

Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà.

Leviticus 6:11

Ne kegkepasad kayi, med-ilis sikandin te visti zin, ne uwita zin haazà is igmuk diyà te ǥawas te kampu, ziyà te lugar he ed-isipen he lumpiyu.

Leviticus 6:16

Is egkesamà he herina, ne edhilutuen ne egkeenen ni Aaron wey te menge memumuhat he menge kevuwazan din. Piru hilutua zan heini he wazè din tapey, ne keena zan diyà te lama te Tulda he Edtelevukaayan, he segradu he lugar. Imbeǥey heini kandan te Nengazen he kandan he vahin duen te menge pemuhat he pinaaǥi te hapuy. Is pemuhat he para gasa utew heini segradu iring te pemuhat he para idlumpiyu wey te pemuhat he vayad te salà.

Leviticus 8:31

Ne migkeǥiyan ni Moises si Aaron wey is menge anak ni Aaron te, “Lutua niw ziyà te ǥemawan te Tulda he Edtelevukaayan sikan is usa, ne sumalà te insuǥù keniyu ne keena niw heini zutun duma zuen te supas he intaǥù te revan he pemuhat para te kedhimuwa te memumuhat he memumuhat.

Malakias 1:12

Piru midsumpalit a mulà keniyu pinaaǥi te kegkaǥi he meremerik is pemuhatà he para kediey, ne wazà pulus te menge ibpemuhat kayi.

1 Samuel 21:6

Umbe, minsan te wazà urdinaryu he supas, imbeǥey te memumuhat kandin kes supas he ibpemuhat diyà te etuvangan te Megbevayà, he ziyà kuwaa te segradu he lemisa ne midliwanan te veǥu he supas.