Leviticus 22:9 - Manobo Western Bukidnon OT

⁹ Sikiyu is menge memumuhat, tumana niw is ibpetuman ku keniyu. Kinahanglan he edtumanen niw heini su wey kew kenà mekepenavak wey mebpatey. Iyan a is Nengazen midsivey keniyu para kedì.

Leviticus 22:9 ပူးပေါင်းရင်းမြစ်များ

Exodus 28:43

Emun edseled si Aaron wey sikan is menge anak din duen te Tulda he Edtelevukaayan, etawa ed-uvey zan duen te pemuhatà diyà te Segradu he Lugar su ebpemuhat sikandan, kinahanglan he egemiten dan heini su edhimetayan ku sikandan emun ibpeǥawaǥawa zan is pid-etawan dan. Heini he sulunuzen pehendiyè en te egkelapislapis he kevuwazan ni Aaron is kedtumana zan kayi.

Leviticus 16:13

Ne ziyà te etuvangan te Nengazen, idsavuk din haazà is beyewà duen te hapuy, ne is evel kayi ebpekeeneb duen te tambun te Kavan te Kebpekid-uyun, umbe kenà sikandin ebpatey.

Leviticus 18:30

Umbe, tumana niw is ebpeveelan ku keniyu ne kenè niw iringi is utew mezaat he menge ebeelan te menge etew he nehuna keniyu, su wey niw kenà meremeriki is keugelingen niw tenged kayi. Iyan a kes Nengazen he Megbevayè niw.

Leviticus 22:16

su wey kew kenà mekesalà dutun te kegkeena niw kayi ne wazè niw televaken. Iyan a is Nengazen midsivey keniyu su wey kew mehimu he kedì.

Numero 18:22

Puun guntaan wazè en menge Israilihanen he ebpekeuvey zuen te Tulda he Edtelevukaayan gawas te menge memumuhat wey menge Levihanen, su emun ed-uvey sikandan, televaken dan is salè dan ne ebpatey sikandan.

Numero 18:32

Kenè kew ebpekesalà emun egkeenen niw heini emun ingkahalad niw en is kineupiyahan he vahin kayi ziyà te Nengazen. Umbe siguruwa niw he kenè niw egkependezeisek is segradu he menge halad te menge Israilihanen pinaaǥi te kegkeena niw te vahin niw te wazè niw pa ikeveǥey is kediey he vahin, su wey kew kenà mebpatey.”

Deuteronomio 11:1

“Mahala niw is Nengazen he Megbevayè niw ne layun niw tumana is ibpetuman din, menge sulunuzen he imbeǥey zin, wey is menge suǥù din.