Leviticus 22:4 - Manobo Western Bukidnon OT

^4-7 Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin.

Leviticus 22:4 ပူးပေါင်းရင်းမြစ်များ

Leviticus 11:39

Emun ebpatey is langgam he egkehimu he egkeenen, is minsan hentei he ebpekesamsam kayi ed-isipen he meremerik taman te mezukilem.

Leviticus 15:17

Is minsan hengkey he manggad etawa lundis he mibeelan he azen he egketiǥisan te similya zutun, kinahanglan he ebpìpian, piru ed-isipen pa ǥihapun heini he meremerik te taman te egkesakep.

Leviticus 2:10

Ne is samà dutun te pemuhat, ne ǥaked en ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 2:3

Is egkesamà dutun te herina, ne ǥaked ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 21:1

Midsuǥù te Nengazen si Moises he keǥiya zin heini ziyà te menge memumuhat he kevuwazan ni Aaron: Kenè niw remeriki is keugelingen niw pinaaǥi te kedtampu te kedlevenga te iring niw he Israilihanen,

Haggai 2:13

Ne mid-insà si Haggai te, “Ne emun iyan nekezegkit kayi he menge keenen is etew he mid-isip he meremerik su nekesamsam sikandin te minatey, egkehimu ve he meremerik heini he menge keenen?” Ne midtavak is menge memumuhat te, “Uya!”

Numero 18:19

Uya, ibeǥey ku keniyu heini is langun he menge segradu he pemuhat he ibayew te menge Israilihanen kayi te kedì. Para heini kenikew wey te menge kevuwazan nu he iyan keniyu he vahin taman te taman. Iyan heini kebpekid-uyun ku kenikew wey te menge kevuwazan nu he kenà egkahalin taman te taman.”

Numero 18:9

Duen niw vahin duen te segradu he menge pemuhat he kenà edtutungen, he ibpemuhat te menge etew kayi te kedì he segradu he menge pemuhat. Ragkes en kayi is menge pemuhat he para gasa, pemuhat he para idlumpiyu, wey pemuhat he vayad te salà. Iyan heini vahin niw te menge anak nu.

Numero 19:20

Iyan, emun kenà ebpenlumpiyu is etew he meremerik, ne kinahanglan he kenà sikandin ed-isipen he zuma niw su midremerikan din is Tulda te Nengazen. Su wazà sikandin mepiriki te wahig he egemiten te kedlumpiyu, meremerik sikandin.