Leviticus 22:3 - Manobo Western Bukidnon OT

³ Emun duen keniyu ǥuntaan etawa menge kevuwazan niw taman te huziyan he lapis te menge kevuwazan he edsamsam te pemuhat kayi te kedì, dutun te meremerik sikandin, kenè en egkehimu he ebpekepenilbi pinaaǥi te kegkememumuhat din. Iyan a kes Nengazen.

Leviticus 22:3 ပူးပေါင်းရင်းမြစ်များ

Ezra 8:28

Migkeǥiyan ku is menge memumuhat te, “Sikiyu wey heini is menge gelemiten impehinungud diyà te Nengazen. Is menge pelata wey menge vulawan inhalad diyà te Nengazen, he Megbevayà te menge kepuun niw he ebpuun diyà te keugelingen he suat.

Salmo 16:11

Ipenurù nu kediey is paaǥi wey ku maangken is ebpedayun he untung. Ne tenged te kebpekiduma nu kediey, wazè en kurang te kelipey ku; wazà pidtemanan te kelipey ku ziyà te avey nu.

Salmo 51:11

Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.

Exodus 30:33

Is minsan hentei keniyu he ebaal te iring kayi he lana he ibpenlana zin etawa idlana zin te zuma he etew zà duen su kenà memumuhat, ne kenè niw en sikandin isipa he zuma niw.”

Leviticus 22:2

he keǥiya zin heini ziyà te ki Aaron wey ziyà te maama he menge kevuwazan din: Kenè niw pendezeisaya is waǥas he ngazan ku, umbe tehuza niw is menge pemuhat he ibpemuhat te menge Israilihanen kayi te kedì. Iyan a kes Nengazen.

Numero 19:13

Is minsan hentei he ebpekeǥawed te minatey he kenè din edlumpiyuwan is keugelingen din ne midremerikan din is Tulda te Nengazen. Kinahanglan he haazà he etew, kenà ed-isipen he sakup niw. Ne tenged te wazà sikandin mepiriki zuen te wahig he egemiten te kebpenlumpiyu, kenà egkaawà is kegkeremeriki kandin.