Leviticus 2:4 - Manobo Western Bukidnon OT

⁴ Emun duen ebpemuhat te supas he midhilutù diyà te evuwan he pemuhat he para gasa, kinahanglan he iyan egemiten din is kineupiyahan he kelasi te herina he wazà tepayi. Egkehimu he ibpemuhat is mekepal he supas he midsehuǥan te lana etawa menipis he supas he midezasan te lana.

Leviticus 2:4 ပူးပေါင်းရင်းမြစ်များ

Salmo 22:14

Naawè en is desen ku; iring a te wahig he id-ulà, ne henduen be te nekegkikiwey en is menge tulan ku. Naawè en daan is kevurut ku; iring a te netunew he kendilà.

Exodus 12:8

Dutun he kezukileman, egkeenen niw is usa he tinuug duma te memepait he utanen wey supas he wazè din tapey.

Exodus 16:31

Migngezanan haazà te menge Israilihanen he ‘manna’. Iring heini te zeisey he lisu ne meputì, ne meemis iring te menipis he menge supas he midsevukan te teneb.

Exodus 29:2

Kuwa ka te kinemeupiyahan he herina te trigu, ne veeli nu he supas, iyan, kenè nu tepayi; baal ka zaan te mamun he ed-emutan te lana he ulibu, ne vaal ke zaan te kenà mulà ed-emutan te lana, is duma zutun ebpekenipisen nu ne edezasan nu te lana.

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Ezekiel 46:20

Migkeǥiyan e zin te, “Kayi he lugar edlutù is menge memumuhat te pemuhat he vayad te salà, pemuhat he para idlumpiyu, wey pemuhat he para gasa. Kayi zan heini edlutua su wey zan melikayi is ked-uwita zuen te menge pemuhat diyà te ǥawas he lama. Pinaaǥi kayi kenà ebpekezezaat te menge etew is kegkesegradu zuen te menge pemuhat.”

Leviticus 1:11

Lepaa zin heini ziyà te etuvangan te Nengazen diyà te egkezizaya te pemuhatà. Ne is lengesa kayi ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 10:12

Migkaǥi si Moises diyà te ki Aaron wey ziyà te zezuwa he anak ni Aaron he nesamà he iyan si Eleazar wey si Itamar, “Kuwaa niw is pemuhat he para gasa he nesamà duen te menge pemuhat pinaaǥi te hapuy he ibpemuhat para te Nengazen. Lutua niw heini ne kenà edtepayan ne keena niw ziyà te avey te pemuhatà su utew heini segradu he pemuhat.

Leviticus 7:12

Emun ebpemuhat is etew te pemuhat para te meupiya he kedepità su ebpeselematan din is Nengazen, ne perisi zin heini te supas. Med-uwit sikandin te supas he wazè din tapey iring te supas he mekepal he midsehuǥan te lana, supas he menipis he midezasan te lana, wey supas he iyan mibeelan is meupiya he kelasi te herina he midsehuǥan te lana.

Numero 6:15

Ne liyu zutun, mebpemuhat daan sikandin te menge pemuhat he para gasa, pemuhat he inumen, wey senge vaskit he supas he wazè din tapey he iyan ebeelan is meupiya he kelasi te herina. Is duma he supas, ne ebpekekepalen ne edsehuǥan te lana ne is duma pa ebpekenipisen he edezasan te lana.