Leviticus 2:16 - Manobo Western Bukidnon OT

¹⁶ Edtutungen te memumuhat is duma zuen te ginaling he midsehuǥan te lana, wey is langun he veyewà he insahug duen te ginaling he para te kedtentenuzi te Nengazen. Pemuhat heini pinaaǥi te hapuy para te Nengazen.

Leviticus 2:16 ပူးပေါင်းရင်းမြစ်များ

Salmo 141:2

Isipa nu he iring te veyewà heini is ampù ku ziyà te kenikew. Isipa nu is kebeyawa ku te menge velad ku he iring kemahal te mahapun he kebpemuhat.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Leviticus 1:9

Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 2:12

Egkehimu ke ibpemuhat niw is tapey etawa teneb he iring te kebpemuhata niw te egkehuna he sebpet niw, piru kenà heini ereg he edtutungen diyà te pemuhatà.

Leviticus 2:14

Emun ibpemuhat niw is egkehuna he sebpet niw he iyan gasa he ibeǥey niw ziyà te Nengazen, pemuhat kew te ginaling he menge trigu he midsandag.

Leviticus 2:15

Sehuǥi niw heini te lana wey veyewà. Pemuhat heini he para gasa.

Leviticus 2:9

Edterinan heini te memumuhat, ne haazà is tinarin din edtutungen din diyà te pemuhatà he paaǥi te kedtentenuzi te Nengazen. Is kehemut kayi he pemuhat te pinaaǥi te hapuy ne ebpekepenunuat te Nengazen.