Leviticus 2:11 - Manobo Western Bukidnon OT

¹¹ Is langun he pemuhat he para gasa he ibpemuhat diyà te Nengazen kinahanglan he wazè din tapey, su kenè kew engayan he edtutung te tapey etawa teneb dutun te kebpemuhata niw te Nengazen te pemuhat pinaaǥi te hapuy.

Leviticus 2:11 ပူးပေါင်းရင်းမြစ်များ

Exodus 23:18

Kenè niw ipemuhat kayi te kedì is lengesa he egkelepikan te minsan hengkey he edtepayan. Is tavà te uyaǥen he ibpemuhat niw kedì te pista, ne kenè niw itaǥak taman te meselem, kekenà, emina niw tutunga.

Exodus 29:25

Ne kuwaa nu haazà is menge supas diyà te menge velad dan, ne tutunga nu zutun te pemuhatà duma te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat kedì.

Exodus 34:25

“Kenè niw ipemuhat kayi te kedì is lengesa he egkelepikan te minsan hengkey he edtepayan. Kinahanglan he wazà egkesamà taman te meselem duen te edlepaan niw emun Pista te Kedlavey te Belinsuǥuen.

Erubasa 24:13

Mama, kaan ka te teneb su meupiya heini para kenikew,

Erubasa 25:16

Kenè ka mebpesubra te kegkaan te teneb su kela ke mekeutè ka.

Erubasa 25:27

Kenà meupiya emun ebpesubra ki te kegkaan te teneb, iring din daan is kedtinguhà he mezeliǥi ka layun te menge etew.

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 6:10

Idsun-ud te memumuhat is pendivavew he visti zin he linu, wey is pendizalem he visti he linu he ebpeketambun te pid-etawan din, ne egkuwaan din is igmuk kayi he pemuhat, ne idsavuk din diyà te kilid te pemuhatà.