Leviticus 18:4 - Manobo Western Bukidnon OT

^4-5 Kinahanglan he edtumanen niw is menge suǥù ku wey menge sulunuzen su is etew he edtuman kayi ebpekaangken te meupiya he ked-ubpà. Siak is Nengazen he Megbevayè niw, midsuǥù ku sikiyu.

Leviticus 18:4 ပူးပေါင်းရင်းမြစ်များ

Salmo 105:45

Midhimu heini te Megbevayà su para tumana zan is menge sulunuzen he ibpesunud din wey kesuǥuan din. Deliǥa is Nengazen!

Salmo 119:4

Nengazen, imbeǥey nu kenami is menge sulunuzen he ibpesunud nu su para tumana zey heini te tinutuuwà.

Ezekiel 20:19

Iyan a is Nengazen Megbevayè niw. Purungi niw tumana is menge suǥù ku wey menge sulunuzen.

Ezekiel 36:27

Ebeǥayan ku zaan sikiyu te kediey he Mulin-ulin su wey niw mepurung mesunud is menge suǥù ku wey menge sulunuzen.

Ezekiel 37:24

Edhedian sikandan te kevuwazan te suluǥuen ku he si David, ne sevaha zà is ed-elima kandan. Ebpurungan dan edsunuza is menge suǥù ku wey menge sulunuzen.

Leviticus 18:2

he keǥiya zin heini ziyà te menge Israilihanen: Iyan a Nengazen he Megbevayè niw.

Leviticus 19:19

Tumana niw is menge sulunuzen he ibpesunud ku. Kenè niw pepeniwelayi is sevaha he uyaǥen te selakew en he kelasi te uyaǥen. Kenè kew pemula te zezuwa he kelasi te venì diyà te sevaha zà he pemuleey. Kenè kew sul-ub te sevaha he visti he zezuwa he kelasi te manggad.

Leviticus 20:22

Tumana niw is langun he menge sulunuzen he ibpesunud ku wey is menge suǥù ku su wey ku sikiyu kenà ipaawà diyà te tanà he ed-uwitan ku keniyu he egkeubpaan niw.

Deuteronomio 6:1

“Iyan heini menge suǥù wey menge sulunuzen he imbeǥey kedì te Nengazen he Megbevayè niw su wey ikepenurù diyà te keniyu. Tumana niw heini zutun te ked-ubpè niw zuen te tanà he ed-engkenen niw he ziyà layun te Jordan,