Leviticus 18:3 - Manobo Western Bukidnon OT

³ Kinahanglan he kenè niw veeli is menge ebeelan te menge etew ziyà te Ehipto he zutun kew med-ubpà dengan, wey is menge ebeelan te menge etew ziyà te Canaan, he zutun ku sikiyu ed-uwita.

Leviticus 18:3 ပူးပေါင်းရင်းမြစ်များ

2 Hadì 17:8

wey mid-iringan dan is ulaula te menge etew ziyà te menge nasyun he impesegseg te Nengazen kandan. Midsunud dan is menge ulaula he impenurù te menge hadì te Israel.

Salmo 106:35

Nekidsevaha pa ganì sikandan te menge tig-Canaan, ne mid-iring dan te vetasan kayi he menge etew.

Exodus 23:24

Kenè niw ezapa wey silbiyi is kandan he ebpen-ezapen, ne kenè niw iringi is menge vaal zan. Purungi niw zèdeeti is menge ed-ezapen dan wey is menge vatu he tedeman dan.

Ezekiel 23:8

Wazà sikandin med-engked he ebelegyà te zengeg din, puun pa te timpu he ziyè pa sikandin te Ehipto. Su hein betan-en pa sikandin mibpehilavet en sikandin te menge maama he nemuluspulus te lawa zin he sikan pa mekeremaǥi.

Leviticus 20:23

Is menge etew he ibpaawè ku zutun he tanà iyan mibaal keniyan he kelelalung, ne tenged kayi igkelimezangi ku sikandan. Umbe kenè niw iringi is ebeelan dan.

Deuteronomio 12:4

“Kenè niw iringi is paaǥi zan te ked-azap emun ed-ezapen niw is Nengazen he Megbevayè niw,

Deuteronomio 29:17

Neehè niw is utew mezaat he menge ed-ezapen dan he kayu, batu, pelata, wey vulawan.

Deuteronomio 9:4

“Emun egkesegseg niw en sikandan pinaaǥi te Nengazen he Megbevayè niw, kenè kew kaǥi ziyà te ǥehinawa niw te, ‘Mid-uwit kiw te Nengazen para maangken tew heini he tanà su geina te metazeng kiw.’ Kenà heeyan iyan. Ibpesegseg sikandan te Nengazen keniyu ǥeina te lalung sikandan he menge etew.