Leviticus 17:8 - Manobo Western Bukidnon OT

⁸ Timan-i niw heini, sikiyu is menge Israilihanen wey is kenà menge Israilihanen he mid-ubpà duma keniyu: Is minsan hentei he ebpemuhat te minsan hengkey he pemuhat diyà te zuma he lugar

Leviticus 17:8 ပူးပေါင်းရင်းမြစ်များ

2 Samuel 24:25

Ne mibaal sikandin dutun te pemuhatà he para te Nengazen ne nemuhat sikandin te menge pemuhat he edtutungen wey menge pemuhat he para te meupiya he kedepità. Midtavak te Nengazen is menge hangyù ni David para te Israel, ne neengked is limas.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 17:4

ne kenà diyà te Tulda he Ed-ezapan (egngezanan daan he Tulda he Edtelevukaayan), ne iring ded te nekevunù sikandin te etew, umbe kenè niw sikandin isipa he zuma niw. Midhimu heini he kebpemuhat su para ziyè niw veeli is kebpemuhat te ǥemawan te Tulda ne kenà diyà te zuma he lugar. Umbe is ibpemuhat niw he pemuhat he para gasa iveǥey niw ziyà te memumuhat he iyan ebpemuhat kayi ziyà te Nengazen.

Leviticus 17:7

Umbe, kenè kew en ereg he ebpemuhat diyà te ed-ezapen he henduen be te kambing, su ebpekepeziyù heeyan keniyu ziyà te Nengazen. Kinahanglan he tumana niw heini taman te huziyan he lapis te menge kevuwazan.

Leviticus 17:9

ne kenà diyà te ǥemawan te tulda, ne kenè niw en isipa he zuma niw.

Leviticus 3:7

Emun kerehidu is ibpemuhat din diyà te Nengazen,

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.

Josue 22:11

Ne hein netudtulan is duma he menge Israilihanen he mibaal te pemuhatà is tribu ni Reuben, ni Gad, wey is ketengà he tribu ni Manase ziyà te Gelilot, uvey te Wahig he Jordan he dulunà te Canaan, midtiǥum dan diyà te Shilo su ebpengandam dan te kebpekidtebek kandan.

Josue 22:15

Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

Josue 22:16

“Sikami is tivuuk he etew te Nengazen egkesuat key he metueni zey ke maan is midlimbungan niw is Megbevayà te Israel? Nekesupak kew te Nengazen pinaaǥi te kebaal niw te keugelingen niw he pemuhatà. Maan is mid-iniyuǥan niw sikandin?

Zatù 6:26

Ne emun egkepasad nu en ne bangun ka te hustu he pemuhatà he para kediey, te Nengazen he Megbevayè nu, kayi te mibuntud-buntud. Ne ipemuhat nu kayi te kedì sikan is tudu he vaka he pemuhat he edtutungen. Ne iyan nu itavun sikan is tukud he para ki Ashera he ebpenempezen nu.”

1 Samuel 10:8

“Huna ke en kedì diyà te Gilgal. Edtelukun e zà kenikew su ebpemuhat a te pemuhat he edtutungen wey te menge pemuhat he para te meupiya he kedepità. Piru teǥazi a kenikew taman te pitu he andew taman te ebpekeuma a, su egkeǥiyen ku kenikew ke hengkey is ebeelan nu.”

1 Samuel 16:2

Ne migkaǥi si Samuel te, “Ebmenumenu e ve he edhendiyà? Kela ke metueni heini ni Saul ne kela ke himetayi e zin.” Migkaǥi is Nengazen te, “Uwit ka te zumeraǥa he vaka ziyà te Betlehem, ne keǥiyi nu is menge etew ziyà he midhendutun ka su ebpemuhaten nu is Nengazen.

1 Samuel 7:9

Ne zutun migkuwa si Samuel te kerehidu he wazè pa lutasa ne midhimetayan din ne midtutung din haazà is senge vuuk he pemuhat he edtutungen para te Nengazen. Nengemuyù sikandin diyà te Nengazen su ebpekitavang para te Israel ne midtavak sikandin te Nengazen.