Leviticus 16:4 - Manobo Western Bukidnon OT

⁴ Kinahanglan he mebpemeziǥù sikandin ne isul-ub din is bisti he para te lavew he memumuhat he pudu linu: is pendizalem he visti he ebpeketambun te pid-etawan din, is pendivavew he visti, is bakes, wey is tengkulu.

Leviticus 16:4 ပူးပေါင်းရင်းမြစ်များ

Exodus 28:2

Peveeli nu is suled nu he si Aaron te menge visti he segradu he ebpekeveǥey kandin te zengeg.

Exodus 29:4

“Dumaha nu si Aaron wey sikan is menge anak din he maama ziyà te idselang pehendiyà te Tulda he Edtelevukaayan, ne ipepemeziǥù nu sikandan.

Exodus 30:20

te kenè pa sikandan edseled te Tulda he Edtelevukaayan, wey kenè pa sikandan ed-uvey zuen te pemuhatà te kebpemuhat pinaaǥi te hapuy.

Exodus 40:12

“Ne zumaha nu si Aaron wey sikan is menge anak din he maama ziyà te ǥemawan duen te Tulda he Edtelevukaayan ne ipepemeziǥù nu sikandan dutun.

Isaias 53:2

Egkesuatan te Nengazen he med-uswag is suluǥuen din he iring te pinemula he midtuvù he nendalid diyà te memaza he tanà. Wazè din keguwapu etawa tindeg he ibpekekabig din kenita.

Ezekiel 44:19

Emun egawas sikandan diyà te ǥawas he lama he zutun is menge etew, kinahanglan he edluwasen dan dèpa is menge visti he migamit dan dutun te kebpenilbi zan ne idsavuk dan diyà te segradu he menge ruǥu, ne mebivisti zà sikandan te urdinaryu. Pinaaǥi kayi kenà ebpekezezaat te menge etew is kegkesegradu zuen te menge visti zan.

Ezekiel 9:2

Ne zutun duen heenem he etew he midseled diyà te zizaya he ǥemawan te valey te Nengazen ne is kada sevaha kandan duen din uwiten he ǥumaan. Duen etew he zuma zan he mibivisti te linu he midseluniket te teleǥuey te idsurat. Midhitindeg dan diyà te kilid te pemuhatà he brunsi.

Leviticus 16:23

Ne edseled si Aaron dutun te tulda ne edluwasen din is bisti zin he visti te lavew he memumuhat he imbivisti zin hein wazè pa sikandin medseled diyà te Utew Segradu he Lugar, ne idtaǥak din heini zutun te tulda.

Leviticus 16:24

Ne ebpemeziǥù sikandin diyà te sevaha he segradu he lugar zutun te Tulda ne kegkepasad ebivisti sikandin te urdinaryu. Ne egawas sikandin ne ibpemuhat din sikan is dezuwa he pemuhat he edtutungen para mevelukasi sikandin wey is menge Israilihanen te menge salè dan.

Leviticus 16:32

Is memumuhat he mibpilì wey mid-urdinahan he iyan ebpekeilis te amey zin te kegkelavew he memumuhat iyan ebaal zutun he tulumanen. Ivivisti zin is bisti te lavew he memumuhat,

Leviticus 6:10

Idsun-ud te memumuhat is pendivavew he visti zin he linu, wey is pendizalem he visti he linu he ebpeketambun te pid-etawan din, ne egkuwaan din is igmuk kayi he pemuhat, ne idsavuk din diyà te kilid te pemuhatà.

Leviticus 6:3

etawa midtarùtarù mehitenged te vutang he netazin he migkaǥi zin he wazè din maahà, etawa nengulivet te tarù he wazè din meveeli is minsan hendei kayi he menge salà.