Leviticus 15:12 - Manobo Western Bukidnon OT

¹² Is diniyun he egkesamsam kayi he etew kinahanglan he egevaan, ne is minsan hengkey he kayu he mibeelan he azen he egkesamsam kayi he etew kinahanglan he edlùluan.

Leviticus 15:12 ပူးပေါင်းရင်းမြစ်များ

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Erubasa 1:23

Mebpezumazuma kew te kedawey ku keniyu. Guntaan, egkeǥiyen ku keniyu is egkeisip ku; ibpetuenan ku keniyu is egkeǥiyen ku keniyu.

Erubasa 3:21

Mama, tipiǥi nu is ketau wey keuluwanen nu. Ne kenè nu heini mehimuwa he maawà diyà te kenikew,

Leviticus 15:11

Is minsan hentei he egkesamsam kayi he etew te wazà mekepenlùlù te menge velad din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Leviticus 6:21

Heini he herina edsehuǥan te lana ne edhilutuen diyà te mevavew he hilutuey. Emun egkelutù en, ebpenevien ne ibpemuhat diyà te Nengazen he iyan pemuhat he para gasa. Is kehemut kayi he pemuhat ebpekepenunuat kandin.

Leviticus 6:28

Kinahanglan he edtevien is diniyun he edhilutuan keniyan he pemuhat. Piru emun diyà heini hilutua te kuzen, kinahanglan he egkeǥisan heini he kuzen ne edlùluan te wahig.