Leviticus 14:4 - Manobo Western Bukidnon OT

⁴ ebpekuwa haazà is memumuhat te zezuwa he tagbis he lumpiyu he uuyag, sengetamped he kayu he sidru, merudtem he hulibis, wey senge verakes he hisupu.

Leviticus 14:4 ပူးပေါင်းရင်းမြစ်များ

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Exodus 12:22

Ipetiǥis niw haazà is lengesa ziyà te yahung. Ne kuwa kew te subpang te hisup ne ipevudseng niw haazà diyà te lengesa ne izazas niw ziyà te zivavew wey pesikilizà he marku te menge ǥemawan niw. Ne wazà edliǥawang keniyu ziyà te valey niw taman te egkepawà.

Leviticus 1:14

Emun tagbis is ibpemuhat te etew he iyan pemuhat he edtutungen, kinahanglan he merepatik heini etawa limuken.

Leviticus 14:5

Ne ibpehimetayan duen te memumuhat sikan is sevaha he tagbis diyà te zivavew te diniyun he midteǥuan te wahig he ebpuun diyà te serebseb.

Leviticus 14:6

Ne egkuwaan din sikan is sevaha pa he uuyag he tagbis, kes kayu he sidru, kes merudtem he hulibis wey kes hisupu, ne ibpevudseng din haazà is langun duen te wahig he zuen duen lengesa te tagbis he midhimetayan.

Leviticus 5:7

Ne emun kenà sikandin ebpekeveleveg he ebpemuhat te kerehidu, mebpemuhat dà sikandin te zezuwa he merepatik etawa zezuwa he limuken he vayad te salè din: is sevaha pemuhat he para idlumpiyu ne is sevaha ne pemuhat he edtutungen.

Numero 19:18

Ne is etew he ed-isipen he lumpiyu, ne megkuwa te senge rupung he isupu, ne ibpevudseng din heini zuen te wahig ne ipirik din diyà te tulda he mibpetayan wey ziyà te langun he gelemiten kayi, wey is menge etew zutun te tulda. Ebpirikan daan is etew he nekesamsam te tulan te minatey he etew, leveng, etawa minatey he etew he nevunù etawa minatey te netural he kemetayen.

Numero 19:6

Ne egkuwa si Eleazar te tamped te kayu he sidru, sengerupung te pinemula he isupu, wey meriǥà he hiket ne idtimbag heini is langun dutun te ebinsulan he vaka.