Leviticus 14:3 - Manobo Western Bukidnon OT

³ egawas is memumuhat diyà te kampu ne edsusiyen din is lawa zuen te etew. Ke neulian en be heini te zaru zin te lundis,

Leviticus 14:3 ပူးပေါင်းရင်းမြစ်များ

2 Hadì 5:14

Umbe, midhendiyà si Naaman te Wahig he Jordan ne midlùluan din is lawa zin te kepipitu, sumalà is nekaǥi te suluǥuen te Megbevayà he si Elisha. Ne neulian is daru zin, ne mibmetilak is lundis din he henduen be te lundis te zeisey pa he vatà.

2 Hadì 5:3

Ne sevaha he andew, migkaǥi heini is raǥaraǥa ziyà te egalen din te, “Emun ebpekidhinguma is egalen ku he si Naaman te ebpeneuven he ziyà te Samaria, ne ebewian din is daru te lundis din.”

Job 5:18

su is ebpelian din, ne edtembaran din; ne is ebpesekitan din, ne ebewian din wey meulii.

Exodus 15:26

Ke sikandin te, “Emun ebpurungan niw ebpemineǥa is lalag ku te Nengazen he Megbevayè niw, wey emun iyan niw ebeelan is mid-isip ku he hustu, wey emun daan kenè niw ebey-anan is menge sulunuzen wey menge suǥù ku, kekenà, ebpezumdumahan niw, ne kenè ku sikiyu ebpeeǥiyan te minsan hengkey he zaru he impaaǥi ku ziyà te Ehipto, su iyan a is Nengazen ebawì keniyu.”

Leviticus 13:2

Emun is lundis te sevaha he etew edlevag etawa ebuketur etawa ebmeputìputì, he egkehimu ke edekelà he zaru te lundis, edumahan heini he etew ziyà te ki Aaron he memumuhat etawa sevaha zuen te menge memumuhat he kevuwazan ni Aaron.

Leviticus 13:46

Ed-isipen sikandin he meremerik dutun te ziyè pa te kandin sikan is daru. Ne kinahanglan he ziyà sikandin med-ubpà te ǥawas te kampu he sebsevaha zin.

Leviticus 14:48

Iyan, emun egkesusi zuen te memumuhat he wazè en umana heb-unga haazà is baley hein neliwanan en te elavat sikan is midhab-ung he elavat, ne ebpesayud haazà is memumuhat he lumpiyu haazà he valey su wazè en heb-unga.