Leviticus 13:6 - Manobo Western Bukidnon OT

⁶ Ne ziyà te ikepitu en maan he andew, ed-umanan sikandin edsusiya zuen te memumuhat. Ne emun midtulak en haazà is diyà te lundis din ne wazà medelandap, ne egkeǥiyen duen te memumuhat diyà te menge etew he lumpiyu haazà is etew su zeisey zà he levag is diyà te lundis din. Ne kegkepasad dutun pìpii zutun te etew is bisti zin, ne ed-isipen en sikandin he lumpiyu.

Leviticus 13:6 ပူးပေါင်းရင်းမြစ်များ

1 Hadì 8:38

ne emun duen kandan ebpengemuyù etawa ke ebpetavang kenikew, ne pemineǥa nu sikandan. Ne emun nesavut dan is pinaaǥi te kebpekesalè dan ne nekeuma ziyà te kandan heini is ked-antus dan, ne ebpengemuyù dan he ibpeketikang dan is menge velad dan he ed-etuvang kayi te valey nu,

1 Hadì 8:45

pemineǥa nu is menge kebpengemuyù dan wey menge hangyù dan diyan te langit, ne iveǥey nu kandan is kezeeǥan.

Salmo 19:12

Usahay kenà egketuenan te etew he nekesalà sikandin. Tenged kayi Nengazen, peseyluwa a kenikew te menge salà he neveelan ku he wazè ku metueni.

Erubasa 20:9

Wazà minsan hentei he ebpekekaǥi he wazà mezaat diyà te ǥehinawa zin; ne wazè din salà.

Megwewali 7:20

Wazà etew kayi te kelibutan he layun dà metazeng is menge vaal zin wey kenà egkesayep.

Isaias 42:3

Kenè din ebey-anan is menge meluya is kedtuu zan, etawa kenè din ed-iniyuǥan is neewaan te perateng. Tenged te kebmetinumanen din ibpetuman din is hustu he kukuman.

Leviticus 11:40

Is minsan hentei he egkuwa etawa egkaan te lawa kayi, kinahanglan he ebpìpian din is bisti zin, piru ed-isipen pa sikandin he meremerik taman te egkesakep.

Leviticus 13:2

Emun is lundis te sevaha he etew edlevag etawa ebuketur etawa ebmeputìputì, he egkehimu ke edekelà he zaru te lundis, edumahan heini he etew ziyà te ki Aaron he memumuhat etawa sevaha zuen te menge memumuhat he kevuwazan ni Aaron.

Leviticus 13:5

Ne zutun te ikepitu he andew ed-umanan edsusiya zuen te memumuhat is lundis duen te etew. Ne emun is egkeehè din iyan ded gihapun su wazà heini medelandap, id-uman sikandin idsivey zutun te memumuhat puun te menge etew seled te selakew en he pitu he andew.

Leviticus 13:7

Iyan, emun edelandap is ebpemuketur ziyà te lundis din dutun te nesusi en sikandin te memumuhat ne ingkepeseyuzan en he lumpiyu sikandin, kinahanglan he ebpeuman sikandin ebpesusi te memumuhat.

Leviticus 14:8

Piru te kenè pa ibpetuenan he lumpiyu en sikandin, kinahanglan he pìpii zin dèpa is bisti zin, kiskisi zin is langun he vulvul zin wey berehibu, ne mebpemeziǥù sikandin. Ne egkehimu en sikandin he edseled diyà te kampu piru kenà sikandin med-ubpà diyà te tulda zin seled te pitu he andew.

Deuteronomio 32:5

Piru sikiyu mibaal kew te salà diyà te kandin ne wazè kew zin en isipa he menge anak din tenged te kezaat niw. Menge kevuwazan he mekesesalà wey edsuwey te hustu!