Leviticus 13:4 - Manobo Western Bukidnon OT

⁴ Iyan, emun haazà is mibmeputìputì diyà te lundis din ne kenà tuus te zaru te lundis wey wazà mebmeputì is bulvul zutun, ne idsivey sikandin dutun te memumuhat puun te menge etew seled te pitu he andew.

Leviticus 13:4 ပူးပေါင်းရင်းမြစ်များ

Ezekiel 44:10

“Mehitenged te menge kevuwazan ni Levi he mid-awà kayi te kedì su mibpekiduma te zuma he menge Israilihanen te ked-azap te menge ed-ezapen dan, ebpekaantus sikandan tenged te menge salè dan.

Leviticus 13:11

ne grabi heini he zaru. Ne ebpesayud is memumuhat he meremerik haazà is etew. Kenè en kinahanglan he idsivey pa sikandin para mepeniizi su keladu en he meremerik sikandin.

Leviticus 13:25

kinahanglan he ibpesusi heini te memumuhat. Ne emun tuus heini te zaru te lundis wey mibmeputì is menge vulvul kayi, ne zuen din daru te lundis he mibpuun pinaaǥi te kegketutung. Ne ebpesayud is memumuhat he meremerik haazà he etew.

Leviticus 13:26

Iyan, emun nesusi te memumuhat he kenà haazà tuus te zaru te lundis wey wazà daan mebmeputì is menge vulvul zutun, ne henduen te midtulak en, idsivey sikandin te memumuhat puun te menge etew seled te pitu he andew.

Leviticus 13:3

Ne ed-ahaan te memumuhat is bahin te lundis he midtuvuan dutun, emun midlevag haazà is lundis, wey mibmemeputì is bulvul zuen, tutuu he zuen din daru te lundis. Ne segugunà egkeǥiya zuen te memumuhat diyà te menge etew he meremerik haazà is etew.

Leviticus 13:31

Iyan, emun egkesusi te memumuhat he haazà is keriskis kenà tuus te zaru te lundis piru wazà meitem he vulvul etawa sumpà kayi, idsivey sikandin duen te memumuhat puun te menge etew seled te pitu he andew.

Leviticus 13:5

Ne zutun te ikepitu he andew ed-umanan edsusiya zuen te memumuhat is lundis duen te etew. Ne emun is egkeehè din iyan ded gihapun su wazà heini medelandap, id-uman sikandin idsivey zutun te memumuhat puun te menge etew seled te selakew en he pitu he andew.

Leviticus 14:38

egawas sikandin dutun he valey ne ebpelekevan din heini seled te pitu he andew.

Numero 12:14

Midtavak te Nengazen si Moises te, “Kenè be ke ed-ilevan sikandin te amey zin diyà te zagwey zin tenged te kedsewaya zin kandin, ed-entusen din is keelezan seled te pitu he andew? Umbe ipeǥawas sikandin keniyan te kampu seled te pitu he andew, ne emun egkepasad haazà is pitu he andew ne egkehimu en he edlikù sikandin.”

Numero 12:15

Umbe, impeǥawas si Miriam puun te kampu seled te pitu he andew. Ne haazà is menge etew wazà medlaus te hipanew zan taman te nekelikù si Miriam diyà te kampu.

Deuteronomio 13:14

Kinahanglan he ebpurungan niw heini edsusiya ke tutuu ve. Ne emun tutuu he neulaula heini is utew mezaat he vaal,