Leviticus 11:41 - Manobo Western Bukidnon OT

^41-42 Kenè niw keena is minsan hengkey he keranapranap he ebpenanap su meremerik heini: is minsan hengkey he edula etawa ebpenanap he heepat is paa etawa mahabet is menge paa.

Leviticus 11:41 ပူးပေါင်းရင်းမြစ်များ

Genesis 1:20

Ne migkaǥi zutun is Megbevayà te, “Mehimu ziyà te menge wahig is utew medmezakel he linimbag he egeǥehinawa wey ebpezumdumahà ne mehimu zaan is utew mezakel he menge tagbis he ebpemenlayang diyà te hewhewanan he zivavew te tanà.”

Genesis 7:21

Ne nelimas dutun is minsan hengkey he menge linimbag he egeǥehinawa zini te lumpad. Is menge tagbis, menge ayam, menge leew he langgam, menge keranapranap, wey is tivuuk he menusiyà, nelimas dutun is langun.

Leviticus 11:20

Egkehimu he egkeenen niw is menge dezeizey he keranapranap he edlayang wey ebpenanap he zuen dan menge paa he ibpekeladsik dan iring te terapan, sengug, wey pelaǥà. Piru kenè niw keena is duma pa he menge keranapranap he edlayang wey ebpenanap. Isipa niw he meremerik heini he menge keranapranap.

Leviticus 11:29

Isipa niw he meremerik is menge langgam he ebpenanap iring te rumat, laku, pelesakà, telètà, pelaas, buaya, ivid, wey menge kemilyun. Is minsan hentei he ebpekesamsam te minatey kandan ed-isipen he meremerik taman te mezukilem.