Leviticus 10:7 - Manobo Western Bukidnon OT

⁷ Kenè kew zèpa awà kayi te ǥemawan te Tulda. Emun ebeelan niw heini ne ebpatey kew, su mibpilì kew te Nengazen he mehimu kew he menge memumuhat pinaaǥi te kedlenahi keniyu te lana.” Ne midtuman dan haazà is migkaǥi ni Moises.

Leviticus 10:7 ပူးပေါင်းရင်းမြစ်များ

Exodus 28:41

“Bistiyi nu kayi is suled nu he si Aaron wey sikan is menge anak din he maama. Ne ebpetiǥisan sikandan te lana tuus te kegkehimuwa kandan he memumuhat. Ne ipehinungud nu sikandan kediey su wey sikandan mekepenilbi kedì pinaaǥi te kebpemuhat.

Exodus 29:7

Kuwa ka te lana he para zà te idlana te ebpilien ku, ne ilana nu ziyà te ulu ni Aaron.

Exodus 30:30

“Ne lenahi niw zutun te lana si Aaron wey sikan is menge anak din he maama he tuus te ibpeveyveyaan niw sikandan kediey su wey zan mekepenilbi kedì pinaaǥi te kebpemuhat.

Leviticus 10:8

Migkeǥiyan te Nengazen si Aaron te,

Leviticus 21:12

Ne ǥeina te inhalad sikandin kayi te kedì he lavew he memumuhat pinaaǥi te kedlenahi kandin, kenà sikandin ereg he ed-awà diyà te Tulda he Edtelevukaayan te kedtampu te kedleveng, su emun ebeelan din heini ne egkeremerikan sikan is tulda. Iyan a kes Nengazen.

Leviticus 8:12

Ne mibpetiǥisan din te lana is ulu ni Aaron he paaǥi te kebpehinunguza kandin diyà te Nengazen.

Leviticus 8:30

Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te Nengazen.