Leviticus 10:2 - Manobo Western Bukidnon OT

² Umbe, impevulus te Nengazen is hapuy he midtutung kandan taman te minatey zan diyà te etuvangan te Nengazen dutun te Tulda he Edtelevukaayan.

Leviticus 10:2 ပူးပေါင်းရင်းမြစ်များ

2 Samuel 6:7

Utew nepauk dutun is Nengazen ki Uza tenged te neveelan din. Umbe, midhimetayan sikandin te Megbevayà dutun dà te zurug te Kavan.

1 Hadì 13:28

Migenat sikandin, ne neehè din haazà is minatey he nekesesavuk diyà te zalan wey sikan is erimaung wey asnu he edhithitindeg diyà te avey zutun. Wazà keena zutun te erimaung haazà ne wazà daan menuwa zuen te asnu.

1 Hadì 18:38

Ne segugunà nekeuma is hapuy he ebpuun diyà te Nengazen, ne midtutung dutun te hapuy sikan is pemuhat, sikan is tavun, sikan is menge vatu, wey is tanà, wey mibpemezahan din is wahig duen te kanal.

2 Hadì 1:10

Ne midtavak ni Elias haazà is upisyal te, “Geina te suluǥuen a te Megbevayà ne meulug guntaan is hapuy he ebpuun te langit he edezaat kenikew wey te 50 he menge etew nu!” Ne neulug is hapuy he ebpuun te langit he nekepatey zuen te kepitan wey te 50 he menge etew zin.

2 Hadì 1:12

Ne midtavak si Elias te, “Geina te suluǥuen a te Megbevayà ne meulug guntaan is hapuy he ebpuun te langit he edezaat kenikew wey te 50 he menge etew nu!” Ne neulug en maan is hapuy te Megbevayà he ebpuun te langit he nekepatey kandan.

1 Cronica 13:10

Utew nepauk dutun is Nengazen ki Uza tenged dutun te migewezan din haazà is Kavan. Umbe minatey sikandin dutun te etuvangan te Megbevayà.

1 Cronica 15:13

Tenged te kenè kew iyan kes mid-uwit dutun te Kavan te Kebpekid-uyun te nehuna he timpu, midsilutan kiw te Nengazen he Megbevayè tew tenged te kegkepauk din. Wazè kiw mebpenginginsà te Nengazen ke ebmenmenuwen tew heini te ed-uwit te hustu he paaǥi.”

1 Cronica 24:2

Piru iyan nehuna he minatey si Nadab wey si Abihu kenà is amey zan, ne wazè dan en med-anak; umbe iyan dà si Eleazar wey si Itamar nekepenilbi pinaaǥi te kegkememumuhat.

Job 1:16

Ne zutun te kemulu pa egkaǥi haazà is etew, ne nekeume en maan is sevaha pa he etew he ke sikandin te, “Midtibas te kilat is menge kerehidu nu wey is menge ebantey kayi, ne nemematey sikandan. Ne iyan e zà ebpeketudtul kenikew su iyan e zà wazà meragkes.”

Salmo 50:3

Ne ebpekeuma is Megbevayà he ebpetuus, su ziyà te egkehunaan din duen egkeregreg he hapuy, ne ziyà te ebpekeliǥuy kandin ne zuen bagyu.

Exodus 24:1

Ne migkeǥiyan te Nengazen si Moises te, “Tekezeg ka kayi te kediey ne zumaha nu si Aaron, si Nadab, si Abihu, is 70 he ebpemendumala te Israel. Ne ezapa e zan kayi, iyan, diyè dan dà te meziyù.

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Leviticus 10:5

Umbe, migkuwa zan haazà is nemematey, piru ziyè dà sikandan megawed te visti, ne mid-uwit dan diyà te ǥawas te kampu sumalà te insuǥù ni Moises.

Leviticus 16:1

Hein minatey en sikan is dezuwa he anak ni Aaron he menge maama dutun te kebpemuhata zan te Nengazen, migkaǥi is Nengazen diyà te ki Moises te, “Keǥiyi nu is suled nu he si Aaron he kenà sikandin medseled dutun te Utew Segradu he Lugar, dutun te liyu te kurtina, te minsan hengkey he uras he egkesuat sikandin. Su emun ed-ul-ulahan din heini ne ebpatey sikandin. Su kayi he lugar ibpeehè ku is kebpekiduma ku pinaaǥi te ǥapun dutun te renged te tangeb te Kavan te Kebpekid-uyun.”

Numero 16:35

Ne mibpengelinteuwan te Nengazen he medtuvù is hapuy ne neepur sikan is 250 he menge sumusunud ni Kora he nemuhat te veyewà.

Numero 16:49

Piru 14,700 is nemematey tenged dutun he kezeetan kenà ragkes is nemematey tenged ki Kora.

Numero 26:61

Piru minatey si Nadab wey si Abihu hein nemuhat sikandan he migamit dan te hapuy he kenè diyè ebpuun te hapuy he egemiten para te kebpemuhata te Nengazen.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.