Leviticus 10:1 - Manobo Western Bukidnon OT

¹ Ne si Nadab wey si Abihu, he menge anak ni Aaron, migkuwa is kada sevaha kandan te teleǥuey te veyewà. Ne midsevukan dan heini te vaǥa wey veyewà ne impemuhat dan diyà te Nengazen. Piru heini is mibeelan dan ne kenè iyan insuǥù te Nengazen, su is hapuy he migamit dan kenà dait he egemiten.

Leviticus 10:1 ပူးပေါင်းရင်းမြစ်များ

1 Hadì 18:38

Ne segugunà nekeuma is hapuy he ebpuun diyà te Nengazen, ne midtutung dutun te hapuy sikan is pemuhat, sikan is tavun, sikan is menge vatu, wey is tanà, wey mibpemezahan din is wahig duen te kanal.

Salmo 141:2

Isipa nu he iring te veyewà heini is ampù ku ziyà te kenikew. Isipa nu is kebeyawa ku te menge velad ku he iring kemahal te mahapun he kebpemuhat.

Exodus 24:1

Ne migkeǥiyan te Nengazen si Moises te, “Tekezeg ka kayi te kediey ne zumaha nu si Aaron, si Nadab, si Abihu, is 70 he ebpemendumala te Israel. Ne ezapa e zan kayi, iyan, diyè dan dà te meziyù.

Exodus 24:9

Ne midtekezeg diyà te vuntud si Moises, si Aaron, si Nadab, wey si Abihu, wey sikan is 70 he ebpemendumala te Israel.

Exodus 27:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Exodus 28:1

“Ipeviza nu puun te zuma he menge etew is suled nu he si Aaron wey sikan is menge anak din he ensi Nadab, Abihu, Eleazar, wey Itamar, su edhimuwen ku sikandan he menge memumuhat he ebpenilbi kedì.

Exodus 31:11

sikan is lana he idlana wey sikan is mehemut he veyewà he para zuen te Segradu he Lugar. Kinahanglan he ebpekepurung ebpekesungkad te insuǥù ku is kebeeli kayi te langun.”

Exodus 37:29

Mibaal zaan sikandin te segradu he lana he para te idlana wey lunsey he veyewà he utew mehemut.

Exodus 38:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge zezekelà he tinidur he para te usa, wey is menge selevukà te vaǥa.

Exodus 40:27

ne midtutung din dutun is mehemut he veyewà, su iyan haazà insuǥù te Nengazen. Mibeelan din heini is langun sumalà te insuǥù te Nengazen kandin.

Exodus 6:23

Si Aaron, neesawa zin si Elisheba is anak he vahi ni Aminadab wey etevey zaan ni Nashon. Ne in-anak dan si Nadab, si Abihu, si Eleazar, wey si Itamar.

Exodus 8:27

Umbe, kinahanglan he edtumanen dey is insuǥù kenami te Nengazen he iyan Megbevayè dey he ibpehipanew key zin pehendiyà te sibsivayan seled te tetelu he andew ne human dey sikandin ebpemuhata.”

Jeremias 19:5

Mibpetukud pa sikandan te menge simbahan he para ki Baal, ne zutun dan ibpemuhat is menge anak dan he pemuhat he edtutungen para kandin. Wazè ku heini isuǥù kandan; wazè ku ganì meisip heini.

Jeremias 32:35

Mibangun dan te menge simbahan he para ki Baal ziyà te Suǥud-suǥud he Ben Hinom, para ikepemuhat dan is menge anak dan diyà te ed-ezapen he si Molec. Ne wazè ku heini isuǥù kandan; wazè ku man ganì meisip he ebeelan dan heini is utew mezaat he menge vaal he nehimu he hinungdan te kebpekesalà te menge etew ziyà te Juda.

Jeremias 44:15

Utew mahabet is menge Judio he netiǥum te kebpemineg ki Jeremias. Heini sikandan nemen-ubpà diyà te zizaya wey zivavà he vahin te Ehipto. Is langun he menge maama he nesayud he is menge esawa zan midtutung te veyewà para te zuma he menge ed-ezapen, wey is langun he menge vahi zutun, migkaǥi ziyà te ki Jeremias te,

Jeremias 44:8

Maan is midhimu niw he mepauk a pinaaǥi te kebaal niw te menge ed-ezapen? Edtutung kew pa te veyewà para kayi zini te Ehipto he iyan ed-ubpaan niw guntaan. Pinaaǥi kayi midezeetan niw is keugelingen niw wey midhimu niw he telemayen wey mekeeled-eled diyà te etuvangan te menge etew ziyà te langun he nasyun kayi te kelibutan.

Jeremias 7:31

Mibangun daan sikandan te menge pemuhatà diyà te Tofet, he ziyà te Suǥud-suǥud he Ben Hinom, ne zutun dan edtutunga is menge anak dan he ibpemuhat dan. Wazè ku heini isuǥù kandan; wazè man ganì heini metaǥù te isip ku.

Leviticus 16:1

Hein minatey en sikan is dezuwa he anak ni Aaron he menge maama dutun te kebpemuhata zan te Nengazen, migkaǥi is Nengazen diyà te ki Moises te, “Keǥiyi nu is suled nu he si Aaron he kenà sikandin medseled dutun te Utew Segradu he Lugar, dutun te liyu te kurtina, te minsan hengkey he uras he egkesuat sikandin. Su emun ed-ul-ulahan din heini ne ebpatey sikandin. Su kayi he lugar ibpeehè ku is kebpekiduma ku pinaaǥi te ǥapun dutun te renged te tangeb te Kavan te Kebpekid-uyun.”

Leviticus 16:12

Ne egkuwa sikandin te selevukà te veyewà ne ebpenuen din heini te vaǥa he ebpuun diyà te pemuhatà he ziyà te seled te tulda. Ne egkuwa zaan sikandin te zezuwa he kemkem he mehemut he pinu he veyewà, ne ed-uwiten din heini ziyà te Utew Segradu he Lugar.

Leviticus 22:9

Sikiyu is menge memumuhat, tumana niw is ibpetuman ku keniyu. Kinahanglan he edtumanen niw heini su wey kew kenà mekepenavak wey mebpatey. Iyan a is Nengazen midsivey keniyu para kedì.

Numero 16:46

Ne migkeǥiyan ni Moises si Aaron te, “Kuwaa nu is teleǥuey nu te veyewà ne teǥui nu te veyewà wey vaǥa he ebpuun diyà te pemuhatà. Ne gaanggaan ka hendiyà te menge etew ne veeli nu is tulumanen su wey zan mevelukasi te menge salè dan, su nepauk en is Nengazen ne ebpuun en is limas.”

Numero 26:61

Piru minatey si Nadab wey si Abihu hein nemuhat sikandan he migamit dan te hapuy he kenè diyè ebpuun te hapuy he egemiten para te kebpemuhata te Nengazen.

Numero 4:18

“Kenè niw pesegdana he mepuew is kevuwazan ni Kohat puun te menge Levihanen.

Deuteronomio 12:32

“Tumana niw is langun he insuǥù ku keniyu. Kenè niw heini umani wey kenè niw terini.

Deuteronomio 17:3

wey midsupak te suǥù din pinaaǥi te ked-azap din te selakew en he ed-ezapen etawa andew etawa vulan etawa menge vituen.

Deuteronomio 4:2

Kenè niw umani wey kenè niw terini is menge suǥù he ibeǥey ku keniyu he ebpuun diyà te Nengazen he Megbevayè niw. Tumana niw iyan heini.