Leviticus 1:9 - Manobo Western Bukidnon OT

⁹ Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 1:9 ပူးပေါင်းရင်းမြစ်များ

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

1 Cronica 6:34

Si Elkana ne anak ni Jehoram. Si Jehoram ne anak ni Eliel. Si Eliel ne anak ni Toa.

2 Cronica 4:6

Mibpevaal zaan sikandin te sepulù he visin para ebpenhugasan te menge ibpemuhat he edtutungen. Diyà isavuk is lelima te zapit te zivavà ne is lelima ne zapit te zizaya. Ne haazà is wahig dutun te teleǥuey he egngezanan te Daǥat ne iyan egemiten te menge memumuhat te kebpenhugas dan te keugelingen dan.

Salmo 51:6

Iyan egkesuatan nu is ebpuun te keputian te atey he meheǥet wey tinutuuwà he ked-ul-ulaha te hustu; umbe penurua a su wey a mehimu he uluwanen.

Salmo 66:15

Ebpemuhat a ziyà te kenikew te melambù he menge uyaǥen he kerehidu, tudu he vaka, wey kambing. Iyan heini pemuhat he edtutungen.

Exodus 12:9

Kenè kew kaan te usa he mehilew etawa sinevawan, kekenà, tuuǥa niw heini is tivuuk duma is ulu, paa wey is seled te ǥetek dutun te usa.

Exodus 29:18

Ne tutunga nu haazà duen te pemuhatà su pemuhat haazà he edtutungen para kedì. Is kehemut kayi he pemuhat te pinaaǥi te hapuy ne ebpekepenunuat kedì.

Exodus 29:25

Ne kuwaa nu haazà is menge supas diyà te menge velad dan, ne tutunga nu zutun te pemuhatà duma te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat kedì.

Jeremias 4:14

“Menge tig-Jerusalem, lumpiyuwi niw is kezaat te gehinawa niw su wey kew melibri. Ebpedayun en be is kezaat te isip niw?

Ezekiel 20:28

Su hein mid-uwit ku sikandan diyà te tanà he insaad ku he ibeǥey ziyà te kandan, mibpemuhat dan te menge pemuhat, menge veyewà, wey menge inumen diyà te metikang he menge lugar wey ziyà te merapung he menge kayu he egkeehè dan. Umbe utew ku sikandan nepeuki.

Ezekiel 20:41

Emun egkekuwa ku en sikiyu puun diyà te nekedseselekawà menge nasyun he zutun kew mekepeyapat, edewaten ku sikiyu he iring te pemuhat he veyewà he mehemut. Pinaaǥi kayi te ebeelan ku ziyà te keniyu igkepeehè ku ziyà te keniyu is kegkewaǥas ku egkaahà heini te menge zuma he nasyun.

Ezekiel 40:38

Ne zuen ku naahà he ruǥu he zuen din gemawan, he avey te varkun te veyeey he zapit te zizaya. Dutun edlùlùi is menge pemuhat he edtutungen.

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 1:17

Baasa zin haazà is tagbis pinaaǥi te keguyud te menge pakpak kayi he kenè din daan ebpitasen. Ne tutunga zin haazà is tagbis diyà te pemuhatà he iyan en pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen!

Leviticus 2:16

Edtutungen te memumuhat is duma zuen te ginaling he midsehuǥan te lana, wey is langun he veyewà he insahug duen te ginaling he para te kedtentenuzi te Nengazen. Pemuhat heini pinaaǥi te hapuy para te Nengazen.

Leviticus 2:2

Uwita zin heini ziyà te menge memumuhat he menge kevuwazan ni Aaron. Ne edterinan te memumuhat haazà te sengekemkem he herina he midsehuǥan te lana, wey ragkes is langun he veyewà he insahug kayi he midtarin din, ne edtutungen din diyà te pemuhatà. Edtutungen din heini he paaǥi te kedtentenuzi te Nengazen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 2:9

Edterinan heini te memumuhat, ne haazà is tinarin din edtutungen din diyà te pemuhatà he paaǥi te kedtentenuzi te Nengazen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 3:11

Edtutungen heini is langun te memumuhat diyà te pemuhatà he pemuhat he keenen. Pemuhat heini pinaaǥi te hapuy para te Nengazen.

Leviticus 3:5

Ne edtutungen heini is langun kayi te menge memumuhat diyà te pemuhatà apil zuen te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 4:31

Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te Nengazen. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te Nengazen.

Leviticus 6:14

Iyan heini menge sulunuzen mehitenged te pemuhat he para gasa: Is menge memumuhat he menge kevuwazan ni Aaron iyan ed-uwit kayi he pemuhat diyà te etuvangan te Nengazen diyà te egkesineruwan duen te pemuhatà.

Leviticus 8:28

Ne kegkepasad te kebeyawa kayi, migkuwa heini ni Moises diyà te kandan ne midtutung din diyà te pemuhatà duma zuen te pemuhat he edtutungen. Pemuhat heini he para te kedhimuwa te memumuhat he memumuhat. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 9:14

Midlùluan din is menge parti he ziyà te seled te ǥetek wey is menge paa, ne midtutung din diyà te pemuhatà duma te zuma he parti zuen te uyaǥen.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Numero 15:3

ne pemuhat kew te para kediey te menge ibpemuhat he ebpuun te menge uyaǥen niw. Pemuhat kew te menge pemuhat he edtutungen, menge pemuhat para te kedtuman te menge penaad, menge pemuhat he kineugelingen he suat, etawa menge pemuhat para te kedsilibra te menge pista. Is kehemut kayi te menge pemuhat he pinaaǥi te hapuy ne ebpekepenunuat kedì.

Numero 28:11

“Diyà te kada egkehuna he andew te vulan ne pemuhat kew ziyà te Nengazen te pemuhat he edtutungen. Is ibpemuhat niw zezuwa he turiti he vaka, sevaha he meǥurang en he meemahan he kerehidu, wey pitu he meemahan he kerehidu he tig senge-tuig is keǥurang dan. Is langun kayi kinahanglan he wazè din sazir.

Numero 28:7

Ragkes daan kayi is pemuhat he inumen he idragkes te kebpemuhata te kada kerehidu, he senge litru he vinu, he pemuhat diyà te Nengazen, he id-itis diyà te segradu he lugar para te Nengazen.

Numero 28:8

Ne iring ded kayi is beeli niw ziyà te ikezuwa he pemuhat niw he kerehidu he ibpemuhat niw ke mahapun. Lepiki niw zed heini te pemuhat he para gasa wey pemuhat he inumen. Pemuhat heini he edtutungen he ebpekepenunuat te Nengazen is kehemut din.’

Deuteronomio 12:27

Ipemuhat niw sikan is usa he pemuhat he edtutungen para te Nengazen he Megbevayè niw. Ne sikan is duma he menge pemuhat niw ne kinahanglan he id-itis niw is lengesa zan duen te pemuhatà para te Nengazen he Megbevayè niw, piru egkehimu ke egkeenen niw haazà is usa.