Leviticus 1:8 - Manobo Western Bukidnon OT

⁸ Ne isavuk dan duen te hapuy sikan is mibpenggetad dan he vahin duen te uyaǥen, ragkes is ulu wey is menge tavà.

Leviticus 1:8 ပူးပေါင်းရင်းမြစ်များ

1 Hadì 18:23

Ne ǥuntaan uwiti key te zezuwa he tudu he vaka. Ne mebpilì dutun is menge ebpeneuven ni Baal te kandan he edlepaan ne penggetaza zan ne id-untud dan haazà diyà te kayu he idtavun, piru kenà haazà edreteman te hapuy is ed-em-emuren he tavun. Ne iyan daan haazà ebeelan ku ziyà te sevaha he vaka; idsavuk ku zaan haazà diyà te tavun he ed-em-emuren ne kenè ku zaan haazà edreteman te hapuy is tavun.

1 Hadì 18:33

Impurung din ipemelastar is tavun dutun te pemuhatà ne midsapù din sikan is baka ne in-untud din duen te tavun. Ne migkeǥiyan din is menge etew te, “Busbusi niw te heepat he umuy te wahig heini is pemuhat wey is tavun din.” Ne hein nepasad dan haazà,

Ezekiel 40:43

Ne ziyà te peliǥuy he verengbeng duen te varkun ne zuen selenggatà he tetelu he vaney is kelayat din. Ne neehè ku ziyà te menge lemisahan is menge usa he ibpemuhat.

Leviticus 1:12

Emun egkepenggetad en heini zuen te nemuhat, ibpelastar heini te memumuhat diyà te hapuy, ragkes is ulu wey is menge tavà.

Leviticus 3:3

Puun dutun te ibpemuhat, ne edtarin is memumuhat te ibpemuhat din diyà te Nengazen he pemuhat pinaaǥi te hapuy. Egkuwaan din is langun he tavà diyà te seled te ǥetek kayi,

Leviticus 3:4

is menge vuwà ragkes is menge tavà kayi, wey is deisey he vahin te atey kayi.