Leviticus 1:4 - Manobo Western Bukidnon OT

⁴ Izampè din is belad din diyà te ulu zuen te vaka he ibpemuhat din, ne edewaten heini te Nengazen su wey melibri sikandin puun te menge salè din.

Leviticus 1:4 ပူးပေါင်းရင်းမြစ်များ

Exodus 29:10

“Uwita nu sikan is turiti he vaka ziyà te etuvangan te Tulda he Edtelevukaayan, ne keǥiyi nu si Aaron wey sikan is menge anak din he izampè dan is palad dan diyà te ulu zutun te vaka.

Exodus 29:15

“Egkepasad haazà, iyan nu en maan kuwaa sikan is sevaha zuen te zezuwa he meemahan he menge kerehidu, ne keǥiyi nu si Aaron wey sikan is menge anak din he izampè dan is palad dan diyà te ulu zuen te kerehidu.

Exodus 29:19

“Ne kuwaa nu en daan sikan is nesamà duen te zezuwa he meemahan he kerehidu, ne idampà ni Aaron wey te menge anak din diyà te ulu zutun is palad dan.

Exodus 29:33

Iyan dà sikandan egkehimu he egkaan dutun te usa wey supas he impemuhat para mevelukasi is menge salè dan dutun te kedhimuwa kandan he memumuhat. Wazà duma he egkehimu he egkaan kayi zuma kandan su segradu heini he keenen.

Isaias 56:7

Ed-uwiten ku sikandan diyà te segradu he vuvungan ku, ne edlipayen ku sikandan diyà te valey ku he elempuanan. Edewaten ku ziyà te pemuhatà he para kediey is menge pemuhat dan he edtutungen wey zuma pa he menge pemuhat; su is baley ku egngezanan te valey he elempuanan te menge etew ziyà te langun he menge nasyun.”

Ezekiel 45:15

wey sevaha he kerehidu ziyà te kada 200 he ebpuun diyà te menge uyaǥen niw. Menge pemuhat heini he gasa, menge pemuhat he edtutungen, wey menge pemuhat he para te meupiya he kedepità su wey kew mevelukasi tenged te menge salè niw. Iyan a, is Nengazen he MEGBEVAYÀ, is migkaǥi kayi.

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Leviticus 16:21

Ne idampè din is dezuwa he velad din diyà te ulu zuen te kambing ne idtug-an din is langun he menge salà wey kedsupak te menge Israilihanen. Pinaaǥi kayi ebpekahalin is menge salè dan diyà te ulu zutun te kambing. Ne ibpepaawà ni Aaron haazà is kambing diyà te sibsivayan te etew he midseriǥan te kebaal kayi.

Leviticus 16:24

Ne ebpemeziǥù sikandin diyà te sevaha he segradu he lugar zutun te Tulda ne kegkepasad ebivisti sikandin te urdinaryu. Ne egawas sikandin ne ibpemuhat din sikan is dezuwa he pemuhat he edtutungen para mevelukasi sikandin wey is menge Israilihanen te menge salè dan.

Leviticus 22:21

Emun is pemuhat he para te meupiya he kedepità ibpemuhat niw kediey he kedtuman te penaad etawa pemuhat he keugelingen he suat, kinahanglan he vaka heini etawa kerehidu etawa kambing he wazè sazir su edewaten ku heini.

Leviticus 3:13

izampè din is belad din diyà te ulu zutun te kambing ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 3:2

Izampè din is belad din diyà te ulu zutun te vaka, ne ziyè din heini lepaa te ǥemawan te Tulda he Edtelevukaayan. Is lengesa kayi, ne ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 3:8

izampè din is belad din diyà te ulu zutun te kerehidu ne lepaa zin haazà diyà te etuvangan te Tulda he Edtelevukaayan. Ne is lengesa kayi, ibpirik te menge memumuhat he menge kevuwazan ni Aaron diyà te peliǥuy te pemuhatà.

Leviticus 4:15

Ne idampà te menge pengulu te menge Israilihanen diyà te ulu zutun te vaka is menge velad dan ne lepaa zan heini ziyà te etuvangan te Nengazen.

Leviticus 4:24

Pemuhat heini he idlumpiyu kandin. Izampè din is belad din diyà te ulu zutun te kambing, ne lepaa zin haazà diyà te etuvangan te Nengazen, diyà te lugar he lepeey zaan te menge pemuhat he uyaǥen he iyan pemuhat he edtutungen.

Leviticus 4:26

Ne tutunga zin is langun he tavà diyà te pemuhatà iring ded te ebeelan duen te tavà te ibpemuhat he uyaǥen he pemuhat he para te meupiya he kedepità. Pinaaǥi te kebeeli kayi te memumuhat, egkevelukasan is etew puun te salè din, ne ebpeseyluwen sikandin te Nengazen.

Leviticus 4:29

Izampè din is belad din dutun te ulu zuen te pemuhat he para idlumpiyu, ne lepaa zin heini ziyà te Tulda, zuen te lugar he lepeey te menge uyaǥen he iyan pemuhat he edtutungen.

Leviticus 4:31

Ne kuwaa zin is langun he tavà duen te kambing iring te ebeelan duen te pemuhat he uyaǥen he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà he mehemut he pemuhat he ebpekepenunuat te Nengazen. Ne pinaaǥi kayi te ebeelan te memumuhat, egkevelukasan is etew puun te menge salè din, ne ebpeseyluwen sikandin te Nengazen.

Leviticus 4:33

Izampè din is belad din diyà te ulu zutun te kerehidu ne lepaa zin heini ziyà te Tulda, zuen te lugar he lepeey te menge uyaǥen he iyan pemuhat he edtutungen.

Leviticus 4:35

Ne kuwaa zin is langun he tavà duen te kerehidu iring te ebeelan duen te pemuhat he kerehidu he pemuhat he para te meupiya he kedepità. Ne kegkepasad dutun, tutunga zin is tavà diyà te pemuhatà duma te zuma he menge pemuhat pinaaǥi te hapuy para te Nengazen. Pinaaǥi kayi te ebeelan te memumuhat, egkevelukasan is etew puun te salè din, ne ebpeseyluwen sikandin te Nengazen.

Leviticus 4:4

Uwita zin haazà is baka ziyà te ǥemawan te Tulda he Edtelevukaayan. Izampè din is belad din diyà te ulu zutun te vaka ne lepaa zin haazà diyà te etuvangan te Nengazen.

Leviticus 5:6

Ne veyazi zin haazà is salà he neveelan din pinaaǥi te kebpemuhat din diyà te Nengazen te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din.

Leviticus 6:7

Pinaaǥi kayi te ebeelan te memumuhat diyà te etuvangan te Nengazen, ne egkevelukasan is etew te salè din, ne ebpeseyluwen sikandin te Nengazen te salà he neveelan din.

Leviticus 8:14

Ne kegkepasad dutun, impekuwa ni Moises is tudu he vaka he pemuhat he para idlumpiyu. Ne indampà ni Aaron wey te menge anak din is menge velad dan diyà te ulu zuen te vaka.

Leviticus 8:18

Kegkepasad dutun, impekuwa ni Moises sikan is meemahan he kerehidu he pemuhat he edtutungen. Ne indampà ni Aaron wey te menge anak din is menge velad dan diyà te ulu zuen te kerehidu.

Leviticus 8:22

Ne impekuwa zaan ni Moises sikan is ikezuwa he meemahan he kerehidu. Heini he kerehidu pemuhat he para te kedhimuwa te memumuhat he memumuhat. Indampà ni Aaron wey te menge anak din is menge velad dan diyà te ulu zuen te kerehidu.

Leviticus 9:7

Ne migkeǥiyan din si Aaron te, “Uvey ka ziyà te pemuhatà ne ipemuhat nu is pemuhat he para idlumpiyu wey is pemuhat he edtutungen su wey ka mevelukasi wey is pemilya nu puun te menge salè niw. Ne sumalà te insuǥù te Nengazen, ipemuhat nu zaan is pemuhat te menge etew su wey zan mevelukasi puun te menge salè dan.”

Numero 15:25

Ibpemuhat heini te memumuhat para mevelukasi is langun keniyu tenged te salè dan. Ebpeseyluwen ku sikandan su wazè dan man haazà tivevaa, wey mid-uwit man daan sikandan te pemuhat pinaaǥi te hapuy wey pemuhat he para idlumpiyu.

Numero 15:28

Ibpemuhat heini te memumuhat diyà te etuvangan ku su para mevelukasi haazà he etew tenged te salè din he wazè din tivevaa ne ebpeseyluwen ku sikandin.

Numero 25:13

Ne uyun heini he ebpedayun is kegkememumuhat din su pehendiyè en te kegkelapislapis te menge kevuwazan din taman te taman, su impeehè din is utew zin kegkepauk tenged te salà ne mibelukasan din is menge Israilihanen te menge salè dan.”

Numero 8:10

Dumaha nu is menge kevuwazan ni Levi ziyà te etuvangan ku ne ipezampè nu te menge Israilihanen is menge ulu te menge kevuwazan ni Levi.

Numero 8:12

“Ne idampà te menge kevuwazan ni Levi is menge velad dan diyà te ulu zuen te zezuwa he turiti he vaka he para kedì. Is sevaha zutun, pemuhat he para idlumpiyu, ne is sevaha pa, pemuhat he edtutungen, su wey zan mevelukasi te menge salè dan.