Leviticus 1:1 - Manobo Western Bukidnon OT

^1-2 Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.

Leviticus 1:1 ပူးပေါင်းရင်းမြစ်များ

2 Cronica 29:32

Is kahabet te menge pemuhat he edtutungen he mid-uwit te menge etew 70 he tudu he menge vaka, 100 he meǥurang en he meemahan he menge kerehidu, wey 200 he nati he meemahan he menge kerehidu.

Exodus 19:3

Ne midtekezeg si Moises diyà te vuntud su ebpekidhinguma te Megbevayà. Mid-umew sikandin te Nengazen he edhenduen te, “Iyan heini keǥiya nu ziyà te menge Israilihanen he kevuwazan ni Jacob:

Exodus 24:12

Ne migkeǥiyan en maan si Moises te Nengazen te, “Laus ke pa tekezeg kayi te kediey ne taǥad ka kayi, su ibeǥey ku ziyà te kenikew is melumpipì he menge vatu he midsuratan te menge suǥù ku wey menge penurù he egkesunud keniyan te menge etew.”

Exodus 25:22

Ne ebpekidhinguma a kenikew zutun te mid-elangan duen te dezuwa he kirubin he ziyà te zivavew zuen te Kavan, ne ibeǥey ku kenikew is langun he menge velaud ku para te menge Israilihanen.

Exodus 29:42

Iyan heini pemuhat he edtutungen, kinahanglan he andew-andew is ked-ul-ulaha niw kayi he pemuhat taman te sunud he menge lapis te kevuwazan. Ipemuhat niw heini kediey zutun te gemawan te Tulda he Edtelevukaayan, su zutun a ebpekidhinguma keniyu wey ebpekidlalag.

Exodus 3:4

Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”

Exodus 33:7

Minsan ebpekahalin is kampu te menge Israilihanen ne idhalin en daan ni Moises sikan is Tulda ziyà te kenà utew uvey te kampu. Ne iyan ngazan dutun is “Tulda he Edtelevukaayan.” Is minsan hentei kandan he egkesuat he metueni zin is egkesuatan te Nengazen ne edhendutun te Tulda.

Exodus 39:32

Nepasad is langun he terebahu zuen te Tulda he Ed-zapan, he egngezanan daan he Tulda he Edtelevukaayan. Mibeelan te menge Israilihanen is langun he insuǥù te Nengazen diyà te ki Moises.

Exodus 40:29

ne impelastar zin diyà te uvey te ǥemawan sikan is pemuhatà te pemuhat he edtutungen. Ne nemuhat sikandin dutun te menge pemuhat he edtutungen, wey menge pemuhat he gasa.

Leviticus 7:38

Menge sulunuzen heini he imbeǥey te Nengazen diyà te ki Moises diyà te sibsivayan he ziyà te Buntud he Sinai, hein midsuǥù din is menge Israilihanen te kebpemuhat diyà te kandin.

Leviticus 9:16

Ne mid-uwit din daan sikan is uyaǥen he pemuhat he edtutungen diyà te teliwazà, ne impemuhat din heini sumalà te paaǥi te kebpemuhata kayi.

Numero 1:1

Hein nehuna he andew te ikezuwa he vulan, dutun te ikezuwa he tuig te ked-awà te menge Israilihanen diyà te Ehipto, migkaǥi is Nengazen diyà te ki Moises diyà te Tulda he Edtelevukaayan he ziyà te sibsivayan he Sinai te,

Numero 7:89

Emun edseled si Moises duen te Tulda he Edtelevukaayan su ebpekidlalag te Nengazen, egkezineg din is laǥeng he ebpekidlalag kandin puun duen te mid-elangan te zezuwa he ledawan te kirubin, he zuen te zivavew te tambun te Kavan te Kebpekid-uyun. Dutun ebpekidlalag is Nengazen ki Moises.

Deuteronomio 27:6

Kinahanglan he kenà egkesepsapan is menge vatu he ebeelan niw he pemuhatà. Ne pemuhat kew kayi te menge pemuhat he edtutungen para te Nengazen he Megbevayè niw.