Josue 9:27 - Manobo Western Bukidnon OT

²⁷ Piru midhimu zin sikandan he menge perepengayu wey menge peresekezu para te menge Israilihanen wey para te pemuhatà para te Nengazen. Taman en guntaan is kebeeli zan kayi he vuluhaten diyà te lugar he mibpilì te Nengazen he zutun sikandin ed-ezapa.

Josue 9:27 ပူးပေါင်းရင်းမြစ်များ

2 Cronica 2:16

ne ebpenempezen dey is minsan hengkey he kayu ziyà te Lebanon he egkinehenglanen nu. Ne ibpebpipikit dey heini ne ibpeǥampung dey zà heini te zaǥat pehendiyà te Jopa. Ne iyan kew uwit kayi ziyà te Jerusalem.”

Numero 31:28

Ne zutun te menge vahin te menge sundaru, sivey ka te para te Nengazen te sevaha te kada 500 he binihag he menge etew, etawa vaka, asnu, kerehidu, wey menge kambing.

Numero 31:30

Ne zutun te menge vahin te menge Israilihanen he wazà mebpekidtebek, is kada 50 terini nu te sevaha is binihag he menge etew, menge vaka, menge asnu, menge kerehidu, wey menge kambing etawa zuma he kelasi te menge uyaǥen. Ne iveǥey nu heini ziyà te menge Levihanen he ketengdanan dan is ked-atur zuen te Tulda te Nengazen!”

Numero 31:47

Midtarin si Moises diyà te kada 50 he etew etawa uyaǥen sumalà te insuǥù te Nengazen kandin, ne imbeǥey zin heini ziyà te menge Levihanen he ketengdanan dan is ked-atur zuen te Tulda te Nengazen!

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:14

kekenà, diyè niw zà ipemuhat te lugar he ǥaked te sevaha he tribu niw he ebpilien te Nengazen, ne zutun niw veeli is langun he idsuǥù ku keniyu.

Deuteronomio 12:5

kekenà, dangep kew ziyà te Nengazen he Megbevayè niw ziyà te lugar he ebpilien din, ke hengkey he tribu is teǥiǥaked duen kayi te langun he menge tribu te Israel. Ne zutun niw ezapa is Nengazen su iyan haazà lugar he mibpilì din he zutun sikandin ebeǥayi te zengeg.

Josue 9:21

Kenè niw en sikandan penhimetayi. Piru edhimuwen tew sikandan he perepengayu wey peresekezu para kenitew te langun.” Ne iyan heeyan nehitavù te menge tig-Gibeon su iyan man heeyan migkaǥi zuen te menge pengulu mehitenged kandan.

Josue 9:26

Wazà ituǥut ni Josue he penhimetayi sikandan te menge Israilihanen.