Josue 9:17 - Manobo Western Bukidnon OT

¹⁷ Umbe, migenat is menge Israilihanen, ne iketelu he andew te kedhipanew zan nekeuma zan diyà te menge inged he ed-ubpan duen te menge etew. Heini he menge inged iyan is Gibeon, Kefira, Beerot, wey Kiriat Jearim.

Josue 9:17 ပူးပေါင်းရင်းမြစ်များ

2 Samuel 4:2

Duen dezuwa he sakup ni Ishboshet he iyan mibpengulu te kedsurung diyà te inged te menge kuntada zan. Si Baana wey si Recab. Menge anak sikandan ni Rimon he tig-Beerot, he ebpuun te tribu ni Benjamin. Heini is Beerot sakup te Benjamin,

1 Cronica 12:4

si Ishmaya he tig-Gibeon, he sevaha he mevurut he pengulu zuen te 30 he mevurut he menge sundaru. Si Jeremias, Jahaziel, Johanan, Jozabad he tig-Gedera,

1 Cronica 2:50

Iyan heini sikandan menge kevuwazan ni Caleb. Iyan si Hur kinekekayan he anak ni Caleb wey ni Efrata. Is menge anak ni Hur he menge maama, ne iyan si Shobal he amey ni Kiriat Jearim,

1 Cronica 2:52

Is menge kevuwazan ni Shobal he amey ni Kiriat Jearim he iyan menge meǥinged te Haroe, is ketengà te menge etew he ed-ubpà diyà te Menuhot,

1 Cronica 2:53

wey is menge kezuzumahi ni Kiriat Jearim ne iyan is Itranen, Puthanen, Shumatnen, wey Mishranen. Iyan heini mibpuunan te menge Zoratnen, wey Eshtaulinen.

1 Cronica 21:29

Haazà he timpu, kes Tulda te Nengazen wey kes pemuhatà para te menge pemuhat he edtutungen he mibpeveelan ni Moises diyà te sibsivayan ne ziyà te metikang he lugar te Gibeon.

Jeremias 26:20

Dutun he timpu, zuen etew he midtudtul zin is ibpekaǥi te Nengazen. Is ngazan din iyan si Uria he anak ni Shemaya he tig-Kiriat Jearim. Migkaǥi zin daan is mezaat he ebpekesuǥat kayi he inged wey nasyun iring te migkaǥi ni Jeremias.

Josue 10:2

Ne utew nahandek sikandin wey is menge etew zin su netuenan dan he mekeǥeǥehem he inged is Gibeon. Minsan pa te wazà hadì kayi, dekelè pa ǥihapun he inged. Ne zekelè pa heini te Ai ne memetau he ebpekidtebek is menge sundaru kayi.

Josue 15:60

Is Kiriat Baal (he iyan is Kiriat Jearim) wey is Raba: ne 2 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

Josue 15:9

Ne puun dutun midlaus heini ziyà te Serebseb te Neftoa, ne ebpuun dutun ebpehendiyà te menge inged he uvey te Buntud he Efron. Ne mibulegkù heini petupang diyà te Baala he iyan is Kiriat Jearim,

Josue 18:14

Puun dutun, ebpehendiyà heini te zapit te edsenlepan te vuntud he ebpekesinaru te Bet Horon diyà te zivavà. Midsangkù heini ziyà te Kiriat Baal (he iyan is Kiriat Jearim), he sevaha he zekelà he inged te tribu ni Juda. Iyan heini zulunà diyà te edsenlepan.

Josue 18:15

Is dulunà diyà te zivavà ne puun te zulunà te Kiriat Jearim. Puun dutun ebpehendiyà heini te edsenlepan diyà te menge teheb diyà te Neftoa.

Josue 9:16

Ne hein nekelavey en is tetelu he andew puun te kegkeuyun dan, netudtulan is menge Israilihanen he uvey zè bes is ed-ubpaan duen te menge etew.

Josue 9:18

Piru wazà sikandan surunga te menge Israilihanen su ǥeinà te nekepenangdù en diyà te kandan is menge pengulu te Israel te penangdù he mibpeseksiyan te Nengazen he Megbevayà te Israel. Midriklamu is menge Israilihanen diyà te menge pengulu zan,

Josue 9:3

Piru hein nezineg te menge tig-Gibeon is mibeelan ni Josue ziyà te Jerico wey ziyà te Ai,

Josue 9:9

Ne midtavak dan te, “Diyè key ebpuun te utew meziyù he lugar. Midhendini key su nekezineg key mehitenged te Nengazen he Megbevayè niw. Netudtulan key te langun he mibeelan din diyà te Ehipto,

Zatù 18:12

Migkampu sikandan diyà te avey te Kiriat Jearim he zapit te edsenlepan he sakup te Juda. (Umbe minsan guntaan egngezanan heeyan he lugar te Kampu ni Dan.)

1 Samuel 6:21

Midsuǥù sikandan te etew he ibpepenudtul ziyà te tig-Kiriat Jearim he egkaǥi te, “Inlikù te menge Filistihanen kes Kavan te Nengazen. Kuwaa niw kayi wey uwita niw ziyan te keniyu.”

1 Samuel 7:1

Migkuwa te menge tig-Kiriat Jearim kes Kavan te Nengazen ne mid-uwit dan diyà te valey ni Abinadab he ziyà te vuntud. Ne mibpilì dan sin Eleazar, he anak ni Abinadab, he iyan ibpevantey.