Josue 8:9 - Manobo Western Bukidnon OT

⁹ Ne impeǥenat sikandan ni Josue, ne mid-eles dan diyà te zapit te edsenlepan emun dutun ki te Ai, diyà te pid-elangan te Ai wey Betel. Ne zutun he kezukileman wazè pa si Josue med-awà diyà te kampu zan duma te menge etew.

Josue 8:9 ပူးပေါင်းရင်းမြစ်များ

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 32:21

Umbe impehuna zin haazà is menge igasa zin, piru sikandin mulà dutun dà mebpelintetaǥak te haazà he kezukilimi te mid-ubpaan dan.

Josue 7:2

Puun te Jerico midsuǥù si Josue te menge etew he ibpepeniid te Ai, sevaha heini he inged he zapit te edsilaan he vahin te Betel, he uvey te Bet Aven. Umbe migenat haazà he menge etew su ebpeniid dan.

Josue 8:10

Ne hein nepawà, midsayu med-enew si Josue ne midtiǥum din is menge etew zin. Ne iyan sikandin wey is menge pengulu te Israel nengegalen te menge etew te kedhendiyà te Ai.

Josue 8:12

Duen en impehuna ni Josue he 5,000 he menge sundaru te kedsurung dutun te inged. Diyè dan mebpelastar te zapit te edsenlepan dutun te inged, diyà te tengàtengà te Ai wey Betel.

Josue 8:8

Ne emun egkaaǥew niw en heini binsuli niw su iyan heeyan suǥù te Nengazen. Sigureduwa niw he metuman niw heini.”

1 Samuel 30:27

Iyan mibpeuwitan din is ebpemendumala te inged he: Betel, Ramot Negev, Jatir,