Josue 8:6 - Manobo Western Bukidnon OT

⁶ Ne zutun, ebpekekaǥi sikandan te nengahandek key iring duen te nehuna he nehitavù, ne zutun edel-asen key zan ne ebpezal-as key taman te ebpekepekeziyù sikandan puun te inged.

Josue 8:6 ပူးပေါင်းရင်းမြစ်များ

Exodus 14:3

Umbe edhimuwen niw heini su para meisip te hadì he egkengetazintazin kew ne kenè kew en ebpekeǥawas kayi te sibsivayan.

Exodus 15:9

Mibpegalbu is kuntada tew, ke sikandin te, ‘Edel-asen ku sikandan ne edekepen ku; ebehinen ku is ketiǥeyunan dan ne ebpurungan ku heini ebpemulpulusi. Edhulevuten ku is ispada ku ne edèdeetan ku sikandan.’

Megwewali 8:11

Emun kenà segugunà edhukumi is etew he ebpekesalà, ne ebpekeisip daan is duma te kebaal te mezaat.

Megwewali 9:12

Ne wazà hanew te etew ke keenu heeyan egkehitavù. Umbe iring is etew te tagbis he nelitag etawa isdà he nepuket; egkebiktima sikandin te mezaat he hitavù he egketik-ew egkeulaula ziyà te kandin.

Josue 8:5

Ne siak wey is menge zuma ku ne ziyè key mulà ebayà te etuvangan te inged is edsurung. Ne emun egawas en is menge tig-Ai te kebpekidtebek kenami, ne ebpemelaǥuy key iring duen te nehuna he kedsurung tew.

Josue 8:7

Ne zutun seǥuǥunè kew ǥawas puun te mid-elesan niw ne eǥawa niw is inged. Ibeǥey heini keniyu te Nengazen he Megbevayè niw.

Zatù 20:32

Ne ǥeina te mibpelaǥuy is menge Israilihanen, kunaan te menge Benjaminhen ke egkezaag dan en maan is menge Israilihanen. Wazè dan meteuni he mibpezal-as is menge Israilihanen su para meuwit dan diyà te meziyù te inged heini is menge Benjaminhen.